Яҙ башланды. Ҡыйыҡтарҙан тамсы тама, гөрләүектәр йүгерә. Ауыл ерендә уңғандар өсөн был миҙгелдә мәшәҡәттәр бөтәһе түгел. Хәҙер күптәр себештәрҙе инкубаторҙа сығарып ала.

Өмөттәр аҡланһын өсөн йомортҡаларҙы дөрөҫ һаҡлау шарт. Мәҫәлән, уларҙы һы­уыт­ҡыста тоторға ярамай, бүлмә темпе­ратураһы кәрәк.
Инкубаторға һалынасаҡ йомортҡалар­ҙың осло башын өҫкә ҡаратып ҡуйырға, әленән-әле әйләндереп торорға кәрәк. Уларҙы күп итеп бер һауытҡа тултырырға ла ярамай, кислород етмәүҙән яралғы һәләк булырға мөмкин. Йомортҡаларҙы ҡоро урында тоторға кәрәк, ҡабығы таҙа булырға тейеш.