Рәсәй пальма майы һатып алыуҙы ҡыҫҡартты. Быйыл тәүге кварталда ул 17 процентҡа кәмерәк булған. Был 2015 йылғы иң аҙ күләмгә тиң.

Тәүге өс айҙа Рәсәйгә килтерелгән пальма майы 193,8 мең тонна тәшкил иткән. Былтыр ошо уҡ осорҙа 227 мең тонна һатып алғанбыҙ. Белгестәр бының сәбәбен илдә көнбағыш майына хаҡ төшөү һәм пальма майы ҡушылған аҙыҡ-түлеккә тикшереү ҡатылана барыуы менән аңлата. Әйткәндәй, киләһе йылдан етештереүселәрҙән тауарҙа эре хәрефтәр менән пальма йәки башҡа майҙың булыуы хаҡында күрһәтеү мотлаҡ булырға тейеш. Был бигерәк тә һөт аҙыҡтарына ҡағыла, сөнки тап ошо өлкәлә мутлашыу осраҡтары йышыраҡ күҙәтелә.