Башҡортостандың мәшғүллек хеҙмәттәренә ойошмалар тарафынан бирелгән вакансиялар исемлеге бер ай эсендә (1 ғинуарҙан 1 февралгә ҡәҙәр) 32,4 меңдән 30,4 меңгә тиклем кәмегән.
Эш эҙләүсе булараҡ рәсми теркәлгәндәр иһә, бер аҙнала 300 самаһы кешегә артып, 23,8 меңгә еткән. 9 февралдә Өфөлә коммуналь, социаль һәм шәхси хеҙ­мәттәр күрһәтеүсе предприятиелар өсөн вакансиялар йәрмин­кәһе уҙа. Бынан тыш, сарала үҙҙәренең штатын тулыландырыу маҡсатында һаҡ эшмәкәрлеге менән шөғөлләнеүсе ойошмалар ҙа ҡатнаша.
Өфөләге Халыҡ мәшғүллеге үҙәгенән белдереүҙәренсә, хеҙ­мәтләндереүсе предприятиелар бухгалтер, юрист, админис­тратор, менеджер, водитель, диспетчер, йөк ташыусы, урам һепереүсе, ҡыйыҡ ябыусы, мас­тер, маляр, ашнаҡсы, балта оҫтаһы, слесарь, тракторсы, электрик, электр һәм газ менән иретеп йәбештереүсе кеүек һөнәрҙәрҙе тәҡдим итәсәк. Йәрминкәгә ки­леүселәргә мәш­ғүл­лек өлкәһен­дәге дәүләт хеҙ­мәттәре лә күр­һәтелә. Мәҫәлән, хеҙмәт баҙа­рындағы хәл тура­һында мәғлү­мәт, һөнәри йүнәлеш буйынса консультация алырға мөмкин. Был хеҙмәттәр өсөн түләргә кәрәкмәй.
Вакансиялар йәрминкәһе баш ҡаланың Ибраһимов буль­ва­рындағы 47/1-се йортта иртәнге сәғәт 10-дан көндөҙгө 12-гә тиклем ойошторола.