Үҙәк ала, Үҙәк бирә...06.12.2016
Былтыр Рәсәйҙең 85 субъектының килеме туғыҙ триллион һум самаһы тәшкил итһә, сығымдары 10 триллион һумға яҡын булды. “Был шуны аңлата: төбәктәрҙең бюджеттары йәмғеһе бер триллион һум дефицит менән тупланған. Тимәк, улар сығымдарын алдан уҡ шулай планлаштыра”, – тине Рәсәйҙең Иҫәп палатаһы рәйесе Татьяна Голикова, Дөйөм Рәсәй халыҡ фронты конференцияһында сығыш яһап.
Һөҙөмтәлә федераль ҡаҙнанан дотация бирергә тура килә. 2016 йылға илдең Финанс министрлығы был сумманы 515 миллиард һум итеп билдәләне. Regnum.ru мәғлүмәт агентлығы раҫлауынса, иң ҙур дотация Дағстан, Чечен республикаларына ебәрелә.
Үҙәккә ебәреп торған һалым һәм йыйымдары Федераль бюджеттан алынған субвенцияларға, башҡа маҡсатлы ярҙамға ҡарағанда ҙурыраҡ булған төбәктәр түбәндәгесә:
