Республиканың консолидацияланған ҡаҙнаһына 98 миллиард һумдан ашыу аҡса инде. Был да уҙған йылдағынан күберәк: өҫтәмә аҡса дүрт миллиард һумдан артығыраҡ, йәғни үҫеш 4,6 процент булып киткән.
Барлыҡ кимәлдәге йыйылған түләүҙәрҙең иң күп өлөшө – 24,2 проценты ҡаҙылма байлыҡ сығарыусылар биргән һалымға тура килә. Әммә быйылғы туғыҙ айҙа ер аҫтын эшкәртеүселәр биргән һалым аҙыраҡ – 55 миллиард 367 миллион һум. Был күрһәткес иһә уҙған йылғы шул осор менән сағыштырғанда 81,1 процент ҡына тәшкил итте. Ул донъя баҙарында нефткә хаҡтың төшөүе менән аңлатыла – табыш кәмегәс, ҡаҙнаға һалым да аҙыраҡ. Мөлкәткә һалым да 99,4 процент булды. Уның сәбәбе ошо түләүҙең ваҡытын үҙгәртеүгә бәйле – хәҙер был осор 1 декабргә хәтлем һуҙыла. Ҡалған һалым төрҙәре буйынса үҫешкә өлгәшелде.
Быйылғы туғыҙ айҙа йыйылған һалым 2015 йылдың ғинуар-октябре менән сағыштырғанда (проценттарҙа) (һулдан уңға)
1 - Ҡаҙылма байлыҡтарға һалым
2 - Табышҡа һалым
3 - Өҫтәлгән хаҡҡа һалым
4 - Тулайым табышҡа һалым
5 - Акциздар
6 - Мөлкәт һалымы
7 - Физик берәмектәрҙең табышына һалым