Өфөлә республика Башлығы Рөстәм Хәмитов “Роснефть” компанияһының
Баш башҡарма директоры Игорь Сечин менән осрашты.

“Башнефть” акционерҙар нефть компанияһы­ның үҫеш стратегияһы, уның дивидендтар һәм һалым сәйәсәте сараның төп темаһына әүерелде. Яҡтар шулай уҡ төбәк менән “Роснефть” ара­һын­дағы эш итеү мөмкинлектәрен, шул иҫәптән нефть һәм газ химияһы объекттарын төҙөү һәм яңыртыу, тирә-яҡ мөхитте һаҡлау, социаль программаларҙы тормошҡа ашырыу өлкәһендә хеҙмәттәшлек мәсьәләләрен тикшерҙе.
Осрашыу аҙағында Рөстәм Хәмитов менән Игорь Сечин “Әсә һәм бала” клиник госпиталендә булды.
Күптән түгел генә “Роснефть” компанияһы “Баш­нефть” акцияларының дәүләт пакетын һатып алыу-һатыу договорын төҙөнө. Ул шулай уҡ Федераль ҡаҙналыҡ иҫәбенә 329,7 миллиард һум аҡса күсереп, килешеү буйынса йөкләмәләрен тулыһынса үтәне.
“Башнефть” асыҡ акционерҙар йәмғиәтенең 38 128 551 ябай акцияһы һәм 6 280 076 өҫтөн­лөклө акцияһы (устав капиталының 25 проценты) Башҡортостан милкендә ҡала.