Иҡтисадта “үҙенә эшләй” тигән һүҙ бар. Быны юридик йәһәттән эшҡыуар булараҡ теркәлмәгән кешегә ҡарата әйтәләр.

Улар үҙ эше менән мәшғүл булып, берәүҙе лә ялламай. Башлыса быға кейем йүнәтеү һәм тегеү, шәхси дәрестәр би­реү, такси эшмәкәрлеге кеүек хеҙмәттәр инә. Ҡағиҙә булараҡ, улар һалым түләмәй, бынан Пенсия фонды 1,5 триллион самаһы аҡсаны юғалта.
Шулай ҙа илдә граж­дан­дарҙы үҙаллы хеҙмәткә йәлеп итеү, уларҙы тәүҙә һалым­дарҙан азат итеү йәһәтенән һөҙөмтәле эш алып барыла. Әлегә үҙенә эшләү­селәрҙән һалым түләтеүҙе ике-өс йылға кисектереү хаҡында һүҙ ҡуҙға­тыла, ә һуңынан уларға патент алырға кәңәш ителәсәк.
Әлбиттә, законһыҙ эшҡы­уарлыҡты иҫбат итеүе ауыр, сөнки улар берәүҙе лә ялламай, ҡайһы ваҡыт етештереү саралары ла юҡ.
Ошоға хас күренеш бөтә донъяла күҙәтелә. Мәҫәлән, Германияла хеҙмәткәрҙәрҙең – алты, Грецияла һәм Италияла ҡырҡ проценты ҡәҙәре ошондай юл менән ғаиләһен аҫрай. Польшала иһә бындай граждандарҙы пенсиянан һәм түләүһеҙ медицина хеҙмәтенән мәхрүм итеү юлдары эҙләнә.