Өфө быйыл йәй сит ил туристары күрергә хыялланған төбәктәр исемлегендә 15-се урында тора. Июнь-август айҙарында Башҡортостандың баш ҡалаһына Германия, Бөйөк Британия, Швеция, Украина, Испания, Дания, Канада, Төркиә, АҠШ һәм Франциянан туристар килмәксе. Халыҡ-ара туристик метаэҙләү мәғлүмәттәренә ҡарағанда, быйыл Өфөгә ҡарата ҡыҙыҡһыныу, башҡа йылдар менән сағыштырғанда, бермә-бер артҡан.


— Башҡортостан менән ҡы­ҙыҡ­һы­ныусы сәйәхәтселәрҙең күп­селеге, нисек кенә сәйер тойол­маһын, Германиянан. Авиа­би­леттарға ихтыяж 157 процентҡа артҡан. Шулай уҡ Бөйөк Британия менән Швециянан килергә теләүселәр күп, — тип хәбәр итә белгестәр.
Сит ил туристарының Рәсәй, шул иҫәптән Башҡортостан менән ҡыҙыҡһыныуын валюта курстары менән бәйле хәлгә генә ҡайтарып ҡалырға ярамай, ти улар. Һуңғы йылдарҙа инфраструктура ныҡ алға китте. Төрлө кимәлдә сағыу-сағыу саралар ойошторолдо. Бы­ларҙың барыһы ла туризм тар­мағы үҫешендә ыңғай сағылыш табыры күптән күҙаллана ине. Рәсәйҙең үҙенә генә хас колориты ла сит ил туристарын күптән ҡыҙыҡһындыра. Ҡыҫҡаһы, йөҙ тапҡыр ишеткәнсе, бер тапҡыр күр тигәндәй, күптәр ҡарашын Өфөгә төбәгән.