Быйылғы ғинуар – мартта Рәсәйҙең бөтә төр хужалыҡтарында ҡош ите етештереү 1505,1 мең тонна (былтырғы ошо осорҙан ғына 89,6 мең тоннаға күберәк) тәшкил иткән.

Айырыуса Ставрополь крайында, Брянск, Мәскәү һәм Пенза өлкәләрендә, Мордва, Марий Иле республикаларында үҫеш күҙәтелгән. Ә бына Адыгей Республикаһында, Белгород, Архангельск, Тамбов өлкәләрендә, Красноярск крайында эш һүлпәнәйгән.
Бөтәһе 10,2 миллион дана йомортҡа (384 миллион тоннаға күберәк) алынған. Был йәһәттән Башҡортостан иң алдынғылар рәтендә бара. Шулай уҡ Ростов, Силәбе, Белгород, Ленинград өлкәләрендә, Пермь крайында һөҙөмтәләр яҡшы. Төмән, Архангельск, Ырымбур өлкәләрендә, Красноярск крайында, Татарстанда эш күләме кәмегән.