ШОС илдәренең Ҡытайҙағы ҙур презентация майҙансығында Башҡортостандың иҡтисади ҡеүәте менән таныштырыу сараһы уҙғарылды.

IV Евразия иҡтисади форумына ярашлы Ҡытайҙың Шэньси провинцияһындағы Сиань ҡалаһында үткән ШОС илдәре тауарҙары күр­гәҙ­мәһе Шанхай хеҙмәттәшлек ойошмаһы ағзаһы булған 15 илде, аралашыу буйынса парт­нерҙарҙы һәм күҙәтеүселәрҙе берләштерҙе.
Башҡортостан экспозицияһын өс меңдән ашыу кеше ҡараны. Делегациябыҙ шулай уҡ финанс һәм инвестициялар, технологиялар һәм етештереү, транспорт-логистика инфра­структураһы, энергетика, медицина һәм фармацевтика кеүек йүнәлештәр буйынса биш махсус сессия эшендә ҡатнашты.