Сәй-шәкәр ниңә ҡиммәт?26.08.2015
Башҡортостандың Иҡтисади үҫеш министрлығы мәғлүмәттәренә ҡарағанда, һуңғы аҙнала аҙыҡ-түлектең айырым төрҙәренә хаҡ һиҙелерлек үҙгәрҙе.
Мониторингка аҙыҡ-түлектең йәмғеһе 43 төрө — ит һәм һөт ашамлыҡтары, икмәк-ҡалас ризыҡтары, ярма, йомортҡа, тоҙ, йәшелсә һәм емеш-еләк — индерелгәйне.
Ярайһы уҡ арзанайыуы күҙәтелгән тауарҙар:
татлы борос, кг:
81,76 һум
(27,78 һумға —
14,96 процентҡа арзанайған);
ҡыяр, кг:
33,31 һум
(2,65 һумға — 7,35 процентҡа);
помидор, кг:
66,71 һум
(4,84 һумға — 6,76 процентҡа);
виноград, кг:
160,79 һум
(7,29 һумға — 4,34 процентҡа);
кишер, кг:
43,72 һум
(1,41 һумға — 3,12 процентҡа).
Йәшелсәгә хаҡ миҙгелгә бәйле түбәнәйеүен дауам итә. Виноград иһә яҡын сит илдәрҙән һәм Рәсәйҙең көньяҡ төбәктәренән тәҡдимдең артыуы арҡаһында арзанайҙы.
Хаҡы байтаҡҡа артҡан тауарҙар:
ҡара сәй, кг:
325,64 һум
(11,95 һумға — 3,81 процентҡа ҡиммәтләнгән);
эремсек, кг:
180,10 һум
(2,40 һумға — 1,35 процентҡа);
шәкәр, кг:
52,95 һум
(0,59 һумға — 1,11 процентҡа).
Ҡара сәйҙең ҡиммәтләнеүе сит ил валютаһы курсының үҫеүенә бәйле, сөнки сеймал сит илдәрҙән һатып алына. Ҡайһы бер сауҙа объекттарында ризыҡтар ассортиментының алмашыныуы арҡаһында эремсек ҡыйбатланды. Шәкәргә иһә хаҡ йәй етеү менән күтәрелә.