Рәсәйҙең һөткә һәм һөт ризыҡтарына арналған иң ҙур ғаилә байрамы быйыл 29 августа Өфөләге Салауат Юлаев исемендәге майҙанда ойошторола.

Ҡунаҡтарҙы һөт йәрмин­кәһе, концерт, интерактив май­ҙансыҡтар көтә. Һәр кем ши­фалы һәм тәмле һөттән ауыҙ итеү мөм­кинлегенә эйә буласаҡ. Сарала етеш­тереүселәр ҡуйған махсус хаҡ буйынса аҙыҡ-түлек тә һатыла.
Быйылғы байрам “Әсәй, атай, мин — һөт яратҡан ғаилә” девизы менән үтә. Байрам биләмәһе айырым майҙансыҡтарға бүленә. Кескәйҙәргә уйындар ойошторолһа, өлкән­дәр һәм йәштәр өсөн бейеү майҙансығы эшләйәсәк. Бында шулай уҡ йорт хайуандары фермаһы тө­ҙөлә, мәғлүмәт стендтарынан улар хаҡында белешмә алырға мөмкин. Фестивалдә шулай уҡ төрлө спорт уйындарында ҡат­нашырға була. Сараның аҙағында сағыу концерт программаһы көтә.
“Һөт иле”н республика Хөкү­мә­те, Өфө ҡалаһы хакимиәте, Һөт етеш­тереүселәрҙең милли союзы, Баш­­ҡортостандың Сауҙа-сәнәғәт палатаһы ойоштора. Фестивалдең генераль партнеры — “Таврос” төркөмө, рәсми партнеры иһә — “Ауылдағы йорт” (“Домик в деревне”) компанияһы.