Район тарихына ҙур ваҡиға теркәлде: Бүребай ауылында 10 МВт ҡеүәтле ҡояш электр станцияһына нигеҙ һалынды.

Яңы технологияларға нигеҙләнгән ҡоролма хәй­буллалар өсөн ифрат әһәмиәтле, сөнки һуңғы йылдарҙа шәхси йорттарҙың күпләп төҙөлөүе сәбәпле төбәктә электрға ҡытлыҡ арта. Станция күрше райондарға ла өҫтәмә энергия сығанағы буласаҡ. Монтаж-төҙөлөш эштәрен тамамлау сентябргә планлаштырылған.
Райондың 85 йыллыҡ юбилейын ҡаршылаған мәлдә ҡояш электр станцияһының сафҡа инеүе — хәйбуллалар өсөн бүләктең иң ҙуры, тине иҫтәлекле сарала ҡатнашыусылар. Ҡоролманың урыны ла бик уңайлы.