“Башнефть” йәмғиәтендәге етештереү эшмәкәрлегенең йомғаҡтары ҡыуандыра. Мәҫәлән, беренсе кварталда ошо осорҙа компания ятҡылыҡтарында 4 709 мең тонна нефть сығарылған, 2014 йылдың ошо уҡ осоро менән сағыштырғанда, был күрһәткес 14,4 процентҡа юғарыраҡ.

Рәсәй буйынса дөйөм алғанда, үҫеш 1 процент самаһы, тимәк, “Башнефть” алдын­ғылар иҫәбендә. Ни­геҙҙә, махсус геологик-техник саралар уҙғарылған әҙер ятҡылыҡтар уңышҡа өлгәшеү мөмкинлеген бирҙе. Бы­йылғы өс айҙа был ятҡылыҡтар етеш­тереүҙең 4,7 процентҡа артыуын тәьмин итте.
Компания тоноҡ нефть продукт­тары (бензин, дизель яғыулығы) етеш­тереү күләмен дә үҫтергән. Был күрһәткес былтыр беренсе кварталда 58,6 процент булһа, быйыл 68,6 про­центҡа еткән. “Башнефть” илебеҙҙә тәүгеләрҙән булып “Евро-5” стандар­ты бензиндарын, дизель яғыулығын сығарыуға күсте һәм бөгөн ошондай нефть продукттары етештереү йәһә­тенән Рәсәйҙә алдынғылыҡты бирмәй.
Башҡортостандың Тәбиғәттән фай­ҙаланыу һәм экология министрлығы мәғлү­мәттәренә ҡарағанда, былтыр һауаға быс­раҡ матдәләр сығарыу кәмегән. Тө­бәктә экологик хәлде яҡ­шыртыуға “Башнефть” компанияһы ла ҙур өлөш индерә.