Башҡортостан Президентын ваҡытынан алда һайлауҙа тауыш биреү өсөн һайлау бюллетене тексы раҫланды. Үҙәк һайлау комиссияһының рәсми сайтында ошо туралағы ҡарар урынлаштырылған.

Бюллетендә кандидаттар алфавит тәртибендә бирелгән. Исемлектә беренсе — “Рәсәй патриоттары” партияһының төбәк бүлексәһе тарафынан күрһәтелгән Илдар Бикбаев. Рәсәй Федерацияһының Коммунистар партияһынан Юнир Ҡотлоғужин – икенсе, ЛДПР-ҙан Иван Сухарев – өсөнсө. “Берҙәм Рәсәй” партияһының төбәк бүлексәһенән күрһә­телгән Рөстәм Хәмитов иһә дүртенсе булып тора.
Документта шулай уҡ бюллетенде тултырыу тәртибе аңлатыла.