Сара барышында берлектәге хеҙмәттәшлек мөмкинлектәре, атап әйткәндә, Башҡортостанда нефть быраулау өсөн ауыр ҡорамалдар етештереү буйынса Рәсәй-Ҡытай заводын төҙөү проекты тикшерелде. Уны Телиндағы “Хайчен Нефтемаш” компанияһы тормошҡа ашырасаҡ.
— Тикшерелгән проект — Башҡортостан Республикаһы менән хеҙмәттәшлектең башланғыс нөктәһе ул. Иҡтисади бәйләнештәрҙе киңәйтеү өсөн артабан да ныҡлы эшләрбеҙ, тип ышанабыҙ, — тине Лин Кванг.
— Ҡытай партнерҙары менән хеҙмәттәшлекте үҫтереү беҙҙең өсөн бик мөһим. Тәүге аҙым яһалды, — тине Рөстәм Хәмитов.
Телин — нефть машиналары эшләү һәм металлургия үҙәге. Шулай уҡ алға киткән ауыл хужалығы, экологик туризм йәһәтенән дә танылыу яулаған.