Уҙған йылдың майында Иглин районының Урман ҡасабаһы эргәһендә урынлашҡан хәрби келәттәрҙең шартлауында запастағы рядовой Сергей Деняев ғәйепле тип табылды.
Өфө гарнизонының Тикшереү бүлеге һигеҙ ай дауамында тикшереү үткәргәндән һуң, әлеге һалдаттың шартлау ихтималлылығы булған объектта янғын хәүефһеҙлеге ҡағиҙәләрен боҙоуын асыҡланы. Тәфтишселәр фекеренсә, ул эш ваҡытында ергә гильза төшөрөп ебәргән, был шартлауға һәм янғынға килтергән. Деняевҡа өс йылға тиклем иркенән мәхрүм итеү янай.