Ил буйынса уртаса алғанда был күрһәткес 2849,08 һумға тиң. Башҡортостандың Сауҙа һәм ҡулланыусылар хоҡуғын яҡлау буйынса дәүләт комитеты коллегияһы ултырышында ошондай мәғлүмәт бирелде.
— Волга буйы федераль округындағы 14 төбәк араһында республикабыҙ төп аҙыҡ-түлектең хаҡы буйынса йыл дауамында урталыҡта килде, — тине комитет рәйесе урынбаҫары Гүзәл Аҫылова.
“Башҡортостанстат” мәғлүмәттәренә ярашлы, былтыр республикала инфляция 6 процент тәшкил иткән. Был Рәсәй, шулай уҡ Волга буйы федераль округы буйынса уртаса күрһәткестән түбәнерәк. Башҡортостан инфляция буйынса округта 13-сө урынды биләй, беҙҙән Һамар өлкәһе генә ҡалыша. Иң юғары күрһәткес Киров өлкәһендә — 107,3 процент.