Өфөнөң Октябрь проспектындағы “Дан бульвары” йәмәғәт транспорты туҡталышы эргәһендә йәйәүлеләр өсөн ер аҫты үткәүеле сафҡа инде. Башҡортостан Президенты Рөстәм Хәмитов ошо юл инфраструктураһы объектын ҡарап сыҡты.

Дөйөм майҙаны 1 450 квадрат метр тәшкил иткән үткәүел төҙөлөшөнә республика ҡаҙнаһынан 156 миллион һум аҡса бүленгән. Тоннелдең киңлеге — 8, оҙонлоғо — 68,2 метр. Ҡоролманы төҙөгәндә заманса талаптар иҫәпкә алынған. Физик мөмкинлеге сикләнгән кешеләр ҙә унан ҡаршылыҡһыҙ файҙалана ала.
Объекттың проектлаусыһы — Санкт-Петербургтың “Гипростроймост” институты. Подряд эштәрен “Уралмостострой” йәмғиәтенең 123-сө күпер төҙөү отряды башҡарған.