Башҡортостан Башлығы беренсе «Креатив индустриялар сәғәте» үткәрҙе » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Иҡтисад » Башҡортостан Башлығы беренсе «Креатив индустриялар сәғәте» үткәрҙе

Башҡортостан Башлығы беренсе «Креатив индустриялар сәғәте» үткәрҙе 21.05.2025 // Иҡтисад

Башҡортостан Башлығы беренсе «Креатив индустриялар сәғәте» үткәрҙе

Башҡортостан хөкүмәте премьер-министрының беренсе урынбаҫары – иҡтисади үҫеш һәм инвестиция сәйәсәте министры Рөстәм Моратов һүҙҙәренсә, республикала креатив индустриялар буйынса 14 йүнәлеш билдәләнгән. Республикала шулай уҡ 50 миллион һумлыҡ капитализация менән Креатив индустрияларға ярҙам фонды булдырыла. Рөстәм Моратов креатив индустрияларға ярҙам итеү буйынса айырым программа төҙөргә тәҡдим итте. Дәүләт ярҙамын алыу өсөн реестрҙа торорға кәрәк, унда юридик шәхестәр, эшҡыуарҙар һәм үҙмәшғүлдәр инергә мөмкин.

«Республикала креатив индустриялар буйынса 14 йүнәлеш бар. Инвестиция сәғәттәрен нигеҙ итеп алдыҡ. Дәүләт ярҙамы саралары менән өҫтөнлөклө креатив проект статусын бирергә тәҡдим итәбеҙ», – тине Рөстәм Моратов.

Ярҙам саралары сифатында Башҡортостан Башлығы гранттары, һалым каникулдары, маркетплейстар менән эшкә һәм интернетта рекламаға сығымдарҙы компенсациялау, шулай уҡ башҡа саралар тәҡдим ителә.

Ошо өлкәлә эшләгән эшҡыуарҙар менән тығыҙ эш алып барыу өсөн ете пилот муниципалитеты һайланған: Өфө, Стәрлетамаҡ, Ағиҙел, Сибай ҡалалары, Бөрө, Шишмә, Белорет райондары. Шулай уҡ муниципалитет башлыҡтары ҡарамағында йәмәғәт башланғысында кәңәшсе вазифаһын булдырырға тигән тәҡдим яңғыраны.

https://www.bashinform.ru/news/economy/2025-05-21/glava-bashkirii-provyol-pervyy-chas-kreativnyh-industriy-4245031

Автор: Азат Ғиззәтуллин
Источник: https://bash.bashinform.ru/news/economy/2025-05-21/bash-ortostan-bashly-y-berense-kreativ-industriyalar-s-te-tk-r-e-4245183

Баҫып сығарырға