Ит, һөт ризыҡтары, ҡымыҙ, бал... Республикабыҙҙың төрлө райондарынан, хатта Рәсәйҙең башҡа төбәктәренән йөҙҙән ашыу предприятие үҙҙәренең иң яҡшы һәм таҙа тауарын килтергән. “Золотой рог”, “Сава” кеүек ҡеүәтле йәмғиәттәр исемлегенә инеп, шаҡтай конкурстарҙа юғары бүләктәргә лайыҡ булғандар менән яңы барлыҡҡа килгән шәхси эшҡыуарҙар ҙа үҙ мәртәбәһен белеп, продукцияһын тәҡдим итә.

Донъя баҙарында бөгөн экологик йәһәттән таҙа, тәбиғи шарттарҙа етеш­терелгән, һаулыҡҡа зыян килтермәҫтәй аҙыҡ-түлеккә ихтыяж арта. Тап шуға ла һатып алыусылар ҡаршыһында уларҙың йөҙө яҡты. Тауарҙары бүтән сауҙа кәштәләрендәгенән ҡыйбатыраҡ булһа ла, халыҡ ихлас һатып ала.

Миәкә районының Елдәр ауылынан “Подсолнух” ауыл хужалығы кооперативы рәйесе Илшат Ғәбитов күргәҙмәгә көнбағыш майы, хәлүә килтергән.

– Беҙҙең районда көнбағыш күпләп үҫтерелә, хатта шәхси хужалыҡтар электән май һығыу менән шөғөлләнде, – тип һүҙ башланы ул. – Бығаса һәр кем үҙ алдына эшләне. Республикала кооперация хәрәкәте башланғас, беҙ, биш хужалыҡ, берләшергә килештек. Былай эшләүҙең файҙалы икәнлеген күреп, беҙгә ҡушылыусылар артты. Хәҙер берәүҙәр емеш үҫтереү менән мәшғүл булһа, икенселәр уны эшкәртә, ә өсөнсөләр иһә әҙер продукцияны халыҡҡа еткереү менән шөғөлләнә. Ошо арала грант отоп, өс миллион һум аҡса алырға торабыҙ. Уға Воронеждан махсус заказ менән көнбағыш майы һығыу ҡорамалы һатып аласаҡбыҙ.

Баймаҡтан Рөстәм Әхтәмов “Бай” ауыл хужалығы кооперативын ойошторған. Ҡатыны, билдәле йырсы, журналист Гөлдәр Ишҡыуатова менән 30 төр самаһы һөт аҙығы етештерә, шифалы үләндәр йыйыу менән шөғөлләнәләр.

– Бындай күргәҙмәләр беҙҙең өсөн бик файҙалы, – тине ғаилә башлығы. – Башҡалар менән танышабыҙ, тауарҙы халыҡҡа еткереү йәһәтенән килешеүҙәр төҙөйбөҙ.

Башҡортостан Хөкүмәте вице-премьеры вазифаһын башҡарыусы, ауыл хужалығы министры Илшат Фәзрахманов етәкселегендәге делегация күргәҙмә менән танышҡас, фестивалдең пленар өлөшө башланды. Тармаҡ етәксеһе билдәләүенсә, Рәсәйҙә ике йыл рәттән ауыл хужалығы продукцияһын артығы менән үҫтереү аграр өлкәгә ҙур зыян килтерә. Илдә әлегә башлыса сеймал етештерелә, ә аҙыҡты эшкәртеү күпкә аҡһай.
– Бындай ҡарашты үҙгәртергә кәрәк, – тине Илшат Илдус улы. – Халыҡҡа үҙенең исеме, бренды булған сифатлы һәм тәбиғи аҙыҡ тәҡдим итергә тейешбеҙ.

Баймаҡтан Рөстәм Әхтәмов “Бай “ ауыл хужалығы кооперативын ойошторған. Ҡатыны, билдәле йырсы, журналист Гөлдәр Ишҡыуатова менән ул 30 төр самаһы һөт аҙығы етештерә, шифалы үләндәр йыйыу менән шөғөлләнәләр.

Бындай күргәҙмәләр беҙҙең өсөн бик файҙалы, – тине ғаилә башлығы. – Башҡалар менән танышабыҙ, тауарҙы халыҡҡа еткереү йәһәтенән килешеүҙәр төҙөйбөҙ.

Башҡортостан Хөкүмәте вице-премьеры вазифаһын башҡарыусы, Ауыл хужалығы министры Илшат Фәзрахманов етәкселегендәге делегация күргәҙмә менән танышҡас, фестивалдең пленар өлөшө башланды. Тармаҡ етәксеһе билдәләүенсә, Рәсәйҙә ике йыл рәттән ауыл хужалығы продукцияһын артығы менән үҫтереү аграр өлкәгә ҙур зыян килтерә. Илдә әлегә башлыса сеймал етештерелә, ә аҙыҡты эшкәртеү күпкә аҡһай.
Бындай ҡарашты үҙгәртергә кәрәк, – тине Илшат Илдус улы. – Халыҡҡа үҙенең исеме, бренды булған сифатлы һәм тәбиғи аҙыҡ тәҡдим итергә тейешбеҙ.

Үкенескә ҡаршы, бөгөн республика баҙарында һатылған һәм халыҡ ҡулланған аҙыҡтың ни бары өстән бер өлөшө генә үҙебеҙҙеке. Тап шуға ла урындағы етештереүселәр алдында кәштәләрҙе тәүҙә үҙебеҙҙең продукция менән тултырыу, һуңынан тышҡы баҙарҙы яулау бурысы тора. Ә бының өсөн барлыҡ шарттар ҙа бар. Беренсенән, Башҡортостан бер нисә федераль трасса үткән Евразияның йөрәгендә урынлашҡан, икенсенән, экологик йәһәттән тәбиғи һөт етештереү өсөн беҙҙә тәбиғәт уңайлы.

Дөрөҫ, республикабыҙ бөтә донъяға үҙенең бренды – башҡорт балы менән билдәле. Үҙебеҙҙең продукцияның данын арттырыу, ҡулланыусыларға тәҡдим итеү буйынса эш йәнле бара. 2013 йылдан “Башҡортостан ризығы” тигән проект тормошҡа ашырыла, “Хоҡуғым бар! Башҡортостанда етештерелгән” проекты ла уңышлы эшләй. Уның төп маҡсаты – төбәктәге брендтарҙы популярлаштырыу буйынса эҙмә-эҙлекле эшмәкәрлекте алып барыу.

Ул саҡта республика ауыл эшсәндәре етештергән таҙа аҙыҡ халыҡтың ышанысын яулап, уның даими һатып алыусылары буласаҡ, – тине Илшат Илдус улы.

Башҡорт балы... Киләсәктә был исемлектә “Башҡорт ҡаҙы”, “Башҡорт сыры”, “Башҡорт ҡаҙылығы”, “Башҡорт ҡымыҙы” ла яҡшы бренд булыуы бик ихтимал. Был ҡулдан килмәҫлек эш түгел. Органик продукция етештереү һәм ҡулланыу милли берләшмәһе директоры Олег Мироненко билдәләүенсә, 2020 йылдың ғинуарынан тәбиғи аҙыҡ хаҡында закон үҙ көсөнә инәсәк. Ул намыҫлы етештереүселәргә киң юлдар асыр тип көтөлә, сөнки Рәсәйҙә халыҡ күптән эколгик таҙа ризыҡ көтә.