Башҡортостан Республикаһының Финанс министрлығы мәғлүмәттәре буйынса, 2012 йылдың 1 мартына Башҡортостан Республикаһының йыйылма бюджеты килемдәр буйынса 18 659,4 миллион һумға йәки 2011 йыл кимәленә ҡарата 119,9 процентҡа үтәлгән, шул иҫәптән һалым һәм һалым булмаған килемдәр 13 203,9 миллион һум тәшкил иткән, 2011 йылдағы керемдәр менән сағыштырғанда 1 640,5 миллион һумға, йәки 14,2 процентҡа, артҡан. Килемдәрҙең төп сығанаҡтары түбәндәгеләр: физик шәхестәрҙең килеменә һалым — 5 018,4 миллион һум (һалым һәм һалым булмаған килемдәрҙең дөйөм күләменең 38,0 проценты), ойошмалар табышына һалым — 2 201,7 миллион һум (16,7 %), акциздар — 1 895,8 миллион һум (14,4 %), дөйөм килемгә һалым — 736,5 миллион һум (5,6 %), мөлкәткә һалым — 580,8 миллион һум (4,4 %). Былтырғы ошо уҡ осор менән сағыштырғанда, ойошмалар табышына һалым — 1 048,6 миллион һумға, йәки 90,9 процентҡа, акциздар — 792,9 миллион һумға, йәки 71,9 процентҡа, физик шәхестәр килеменә һалым — 804,6 миллион һумға, йәки 19,1 процентҡа, дөйөм килемгә һалым 104,4 миллион һумға, йәки 16,5 процентҡа артҡан, мөлкәткә һалым кереме 303,7 миллион һумға, йәки 34,3 процентҡа, кәмегән.
Дәүләт һәм муниципаль милектәге мөлкәтте файҙаланыуҙан алынған килем 2 242,9 миллион һум (һалым һәм һалым булмаған килемдәрҙең дөйөм күләменең 17 проценты) тәшкил иткән, былтырғы ошо уҡ осор менән сағыштырғанда 23 процентҡа артҡан.
Кире ҡайтарылмай торған керемдәр, уҙған йыл менән сағыштырғанда 1 451,6 миллион һумға, йәки 36,3 процентҡа, артып, 5 455,5 миллион һум, йәки килемдәрҙең дөйөм күләменең 29,2 процентын, тәшкил итә.
2012 йылдың ғинуар — февралендә Башҡортостан Республикаһының йыйылма бюджеты сығымдары 17 296,7 миллион һум күләмендә финансланған. Сығымдарҙың тармаҡ структураһында бюджеттың социаль өлөшө иң ҙур удель ауырлыҡты биләй — бөтә сығымдарҙың 84,2 проценты, йәки 14 565,7 миллион һум. Башҡортостан Республикаһы бюджеты сығымдарының иҡтисади структураһында бюджет, автоном учреждениеларға һәм башҡа ойошмаларға субсидиялар сығымдарҙың дөйөм күләменең 59 процентын, эшләмәгән халыҡтың медицина страховкаһына һәм Башҡортостан Республикаһы Мотлаҡ медицина страховкаһының федераль һәм территориаль фонды бюджетының башҡа бюджет-ара трансферттарына — 2 244 миллион һум, йәки 13 процент, халыҡҡа социаль трансферттар (пособиелар, пенсияларға өҫтәмәләр, башҡа социаль түләүҙәр, стипендиялар) 1 945,2 миллион һум, йәки 11,2 процент, тәшкил итте. Капитал һалыуҙарҙы һәм юл хужалығын финанслауға 966 миллион һум, йәки сығымдарҙың дөйөм күләменең 5,6 проценты бүленгән. Сығымдарҙың үрҙә күрһәтелгән йүнәлештәренә Башҡортостан Республикаһы йыйылма бюджетының барлыҡ сығымдарының 88,8 проценты тура килә.
Быйыл ғинуар — февралдә Башҡортостан Республикаһы бюджеты килемдәр буйынса — 15 128 миллион һумға (былтырғы ошо уҡ осорға ҡарата 125,9 процент), сығымдар буйынса 14 904,6 миллион һумға үтәлгән.
Быйыл 1 мартҡа ҡарата урындағы (муниципаль райондар, ҡала округтары, ауыл һәм ҡала биләмәләре) бюджеттар∂ың килеме 8 396,6 миллион һумға, йәки былтырғыға ҡарата 124,5 процентҡа, үтәлгән. Һалым һәм һалым булмаған килемдәр, былтыр ошо уҡ осорға ҡарата 4 процентҡа артып, 3 729,3 миллион һум булған, шул иѕәптән муниципаль райондар бюджеттарына — 1 605,7 миллион һум, ҡала округтары бюджеттарына 2 123,6 миллион һум индерелгән, был йыллыҡ планға ҡарата 15,2 һәм 16,3 процент тәшкил итә (башҡарыуҙың иҫәпләү нормаһы — 16,7 процент). 1 мартҡа урындағы бюджеттарҙың сығымдары 7 257,4 миллион һум булған, был былтырғы ошо уҡ осорҙағыға ҡарағанда 27,5 процентҡа юғарыраҡ.