Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Тыуған ергә ерегеп
Тыуған ергә ерегеп Ваҡыт һыу кеүек аға. Әле генә уйнап йөрөгән малайҙар, атай булып, балалар үҫтерә. Һәр кем үҙ тормош юлын табып, ошо матур яҡты донъяла йәшәүен, эшләүен дауам итә.

Радик Яныбаев Өмөтбай ауылында ябай эшсе ғаиләһендә донъяға килә. Бала сағы башҡа­ларҙыҡынан айырылмай: йәй көн­дәрендә Маҙары буйында балыҡ тота, һыу инә, бесән саба, кистәрен туп уйнай, йәштәштәре менән күңел аса, бейей... Урта мәктәптән һуң Белорет һөнәрселек учили­щеһында уҡыған саҡта йыйылма команда менән республикабыҙҙың төрлө ҡалаларында сығыш яһай. Уны тамамлағас, хәрби хеҙмәткә алына.
Армиянан һуң ауылда клуб мөдире булып эш башлай. Шул саҡта фельдшерлыҡ пунктына эшкә килгән һылыу ҡыҙ – Венераға ғашиҡ була. Күп тә үтмәй, йәштәр өйләнешә.
Татлыла төҙөлөш башланыуын ишеткәс, Яныбаевтар ғаиләһе лә ҡалаға күсә. Радик автомобиль хужалығында токарь булып, Венера госпиталгә эшкә урынлаша.
Ғаиләлә ике бала үҫтереп, матур ғына йәшәп ятҡанда, үҙгәртеп ҡороуҙар башлана. Совет иле тарҡала, иҡтисадта ла торғонлоҡ: предприятиелар ябыла, һәр ерҙә эшһеҙлек.
Заман шауҡымы Радик, Венера эшләгән предприятиеларҙы ла урап үтмәй. Ул заманда аҡса табыуҙың бер юлы сауҙа өлкәһе ине. Күптәр ошо йүнәлеште һай­лай. Венера менән Радик та юғалып ҡалмай: йәйен ауылда ҙур булмаған йортта йәшәп, баҡсала бил бөгә, буш ятҡан баҡсаһына һуған, кәбеҫтә, сөгөлдөр, картуф ултырта. Йәшелсәне үҫтереү өсөн түҙемлек, көс кәрәк. Ҡый үләнен утау, һыу ҡойоу кеүек эштәрҙә балалары ла ярҙамлаша.
Көҙ иһә уңышты юғалтмай йыйып алып, иҫке генә ”Нива” маши­наһында ҡалаға, ҙур ауылдарға ташыйҙар. Йәшелсә менән генә аҡса эшләп булмаҫын аңлап, Радик ат менән утын, бесән ташый, ер һөрә. Ғаилә менән кәңәшләшеп, йылҡысылыҡ менән шөғөлләнә башлайҙар.
Уңыш егәрлеләргә йылмая, Яныбаевтар ҙа бер аҙ аяҡҡа баҫып алғас, Егәҙе ауылында магазин аса. “Нива” машинаһы менән тауар ташый, бер юлы күберәк килтереү өсөн тағылма һатып алалар.
Магазин булғас, халыҡты өҙ­лөк­һөҙ тауар менән тәьмин итергә кәрәк, аҙнаһына ике тапҡыр ҡалаға йөрөргә тура килә. Өмөтбай менән Белорет араһы яҡын түгел – 110 саҡрым. Тауарҙы Егәҙеләге мага­зинға бушатып, Өмөтбайға ҡай­тырға кәрәк. Ә ауылда мал-тыуар көтә... Юл да шәптән түгел. Төпкөл ауылға йөк ташыу өсөн “УАЗ” машинаһы һатып алалар. Көн дә тынғыһыҙ, ауыр эш, ләкин башла­ғанды ярты юлда ташлау килеш­мәй – Радик менән Венера ундайҙарҙан түгел.
Килемдән сығым күберәк, балалар Сибай ҡалаһында БДУ-ла уҡый. Малға бесән әҙерләү кеүек бөтә эштәр ҙә тәүҙә ҡул менән башҡарыла, кеше яллайҙар.
Дөйөм йыйылышта ауыл халҡы Венера Гәрәй ҡыҙын староста итеп һайлап ҡуя. Халыҡ яңылышмаған, староста ауылда тәртип булдыра: урам сүп-сарҙан таҙартыла, иҫке, емерек йорттар алып ташлана.
Бөйөк Ватан һуғышы яугирҙәре обелискыһын йыл һайын өмә ойоштороп, эргә-тирәһендәге үлән­дәрҙе сабып, таҙартып, төҙөк хәлдә тотоуҙа ла Радик Яныбаевтың өлөшѳ ҙур.
Ауыл клубы янып юҡҡа сыҡҡас, кистәрен йыйылып шахмат, шашка һәм бильярд уйнау туҡтап ҡала. Өмөтбайҙар оҙаҡ уйлап тормай: буш торған йорттоң нигеҙен яңыр­тып, клуб итеп төҙөп ҡуя. Әлеге көндә ул эшләй, эсе таҙа, күркәм. Былтыр көҙ кәртәһе яңыртыла. Был эште лә ауыл Советы депутаты хәстәрләй.
Венера, староста булараҡ, олоһона ла, кесеһенә лә ярҙам итә. Бала саҡтан инвалид булған Әхәт ҡырҡ биш йәшкә тиклем пенсия алмай. Венера Гәрәй ҡыҙы үҙе Өфөгә дауаханаға йөрөтөп, пенсия юллаша.
Төпкөлдә урынлашҡан ауыл күҙгә күренеп үҙгәрә, өй алды кәртәләре яңыртыла, төрлө төҫтәге буяуҙар менән биҙәлә. Ауыл хал­ҡының ҡарашы ыңғай яҡҡа үҙгәреүе ҡыуаныслы. Бер нисә хужа ѳөйөнә һыу үткәрә, һыу йы­лытҡыстар ҡуя. Ҡаланан кәм йәшәмәйҙәр, тип әйтһәк тә, арттырыу булмаҫ.
Старостаны борсоған мәсьә­ләләр ҙә бар, уларҙы өмә ярҙа­мында ғына хәл итеп булмай. Әммә тырыш ҡатын күперҙәрҙе төҙөкләндереүгә өлгәшә.
Венера менән Радик хужалыҡ­тарын йылдан-йыл нығыта, мал һанын арттыра. Ағас алып, ҙур ат һарайы төҙөйҙәр.
Ҡул менән мал аҙығы әҙерләү ауыр булғас, 2013 йылда Башҡорт­остан Республикаһының Ауыл хужалығы министрлығы аша субсидия һәм кредит юллап, трактор, тағылма, бесән йыйғыс, салғы һәм тырма алалар. Ауылдан йыраҡ бул­маған Күң-Ҡаҙай яланын фай­ҙаланыуға ҡуртым килешеүе төҙөйҙәр.
Мал аҙығы әҙерләү күпкә еңе­ләйә. Артыҡ бесәнде һатырға ла була, был үҙе тракторға яғыу­лыҡ алырлыҡ аҡса бит. Мал һанын та­ғы ла арттырырға мөмкинлек тыуа.
Радик тракторы менән ауыл өсөн дә ҙур эштәр башҡара, урамды ҡарҙан таҙарта, кешегә кәрәк-яраҡ килтерергә ярҙам итә.
2013 йылда Өмөтбайҙа Кирәй-Ҡыпсаҡ йыйыны булды. Был байрамды үткәреүгә Венера менән Радик ҙур өлөш индерҙе. Һуңынан Егәҙе, Тары, Шыршылы йылғала­ры аша һәм ауыл эсендәге күпер­ҙәр, Егәҙе – Өмөтбай автомобиль юлы төҙөкләндерелә. Әле лә тормошҡа ашыраһы эштәр бар: Көнбайыш Мәйгәшле – Өмөтбай электр бағаналары серегән, алыштырырға ваҡыт, шулай уҡ телефон, Интернет мәсьәләһе лә хәл итеүҙе көтә, ауыл урамына таш түгергә кәрәк.
Венера менән Радиктың эшен халыҡ күрә, белә. Уларҙың тырыш­лығын ыңғай баһалай: Венера Гәрәй ҡыҙы Башҡорт­остан Мәҙә­ниәт министрлығының Маҡтау грамотаһы менән бүләкләнә, ә Радик Зәки улына былтыр Башҡорт­остан Ауыл хужалығы министрлы­ғынан Грамота тапшырыла.
Яныбаевтар ғаиләһе ваҡыт менән бергә атлай. Ҡайҙа тыуған, шунда файҙаһы тейгән, тигән һүҙҙәр нәҡ уларға төбәп әйтелгән кеүек.








Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Орлоҡ эшкәртергә, ашлама етештерергә...

Орлоҡ эшкәртергә, ашлама етештерергә... 29.03.2019 // Иҡтисад

Шишмә районы хакимиәтендә “Инвестиция сәғәте” тәртибендә эшҡыуарҙар менән осрашыу булды. Унда ике...

Тотош уҡырға 1 361

Һабантуйға килегеҙ!

Һабантуйға килегеҙ! 29.03.2019 // Иҡтисад

Башҡортостан Башлығы вазифаһын ваҡытлыса башҡарыусы Радий Хәбиров 14 – 15 июндә “Урал аръяғы-2019”...

Тотош уҡырға 1 246

"Файҙаһы ҙур буласаҡ"

"Файҙаһы ҙур буласаҡ" 28.03.2019 // Иҡтисад

Был сараның файҙаһы, һис шикһеҙ, ҙур буласаҡ. Шундай фекергә килде тәүге “Инвестиция сәғәте”ндә үк...

Тотош уҡырға 1 315

Баҡалылар ниндәй маҡсат менән яна?

Баҡалылар ниндәй маҡсат менән яна? 28.03.2019 // Иҡтисад

Баҡалы районында үткән “Инвестиция сәғәте”ндә ауыл хужалығына бәйле проекттар ҡаралды....

Тотош уҡырға 1 268

Тәү сиратта – урман мәсьәләһе

Тәү сиратта – урман мәсьәләһе 28.03.2019 // Иҡтисад

Йылайырҙа ла “Инвестиция сәғәте” үтте. Унда район хакимиәте башлығы Илгиз Фәтҡуллин, Эшҡыуарлыҡ һәм...

Тотош уҡырға 1 339

Кәңәшле эш тарҡалмаҫ

Кәңәшле эш тарҡалмаҫ 28.03.2019 // Иҡтисад

Бәләкәй һәм урта эшҡыуарлыҡ менән шөғөлләнгәндәр, үҙ кәсебенә яңы тотонғандар, ситтән килгән...

Тотош уҡырға 1 340

Һәр яҡлап ярҙам күрһәтеләсәк

Һәр яҡлап ярҙам күрһәтеләсәк 28.03.2019 // Иҡтисад

Бөгөн Учалы районы хакимиәтендә муниципаль "Инвестиция сәғәте" үтте....

Тотош уҡырға 1 321

Сибайҙа - “Инвестиция сәғәте”

Сибайҙа - “Инвестиция сәғәте” 28.03.2019 // Иҡтисад

Билдәле булыуынса, республика Башлығы вазифаһын ваҡытлыса башҡарыусы Радий Хәбиров ҡала һәм район...

Тотош уҡырға 1 301

Аныҡ һөҙөмтә күренә башланы

Аныҡ һөҙөмтә күренә башланы 28.03.2019 // Иҡтисад

Бөгөн Кушнаренкола өсөнсө тапҡыр “Инвестиция сәғәте” ултырышы үтте....

Тотош уҡырға 1 240

Яҡшы шарттар тыуҙырылған

Яҡшы шарттар тыуҙырылған 27.03.2019 // Иҡтисад

“Башҡортостанда уңайлы инвестиция шарттары тыуҙырылған. Республикағыҙ Австрия компаниялары һәм...

Тотош уҡырға 1 196

Черниковка кварталдары яңырырмы?

Черниковка кварталдары яңырырмы? 25.03.2019 // Иҡтисад

Бөгөн Башҡортостан Башлығы вазифаһын ваҡытлыса башҡарыусы Радий Хәбиров етәкселегендә үткән...

Тотош уҡырға 1 252

Башлыҡтан башҡа бер кем дә түгел...

Башлыҡтан башҡа бер кем дә түгел... 25.03.2019 // Иҡтисад

— 28 марттан республиканың барлыҡ муниципалитеттары ла “Инвестиция сәғәт”тәре үткәрә башлаясаҡ....

Тотош уҡырға 1 090