Әбйәлил районында үлемесле юл-транспорт ваҡиғаһы теркәлгән.

БР Дәүләт автоинспекцияһы матбуғат хеҙмәтенең яҡынса мәғлүмәттәре буйынса, бөгөн иртән Сермән – Амангилде – Баймаҡ автомобиль юлының 56-сы километрында «УАЗ Патриот»тың 42 йәшлек водителе юл ситенә сығып осҡан һәм машинаһын ауҙарған.  

Аварияла водитель һәм уның 64 йәшлек пассажиры алған тән йәрәхәттәренән ваҡиға урынында йән биргән. Юл фажиғәһе факты буйынса тикшереү үткәрелә, сәбәптәре асыҡлана.