Ҡыҙыҡай дауаханаға оҙатылған.
Өфөнөң Дәүләт автоинспекцияһы мәғлүмәттәре буйынса, 11 мартта кис көнө Борисоглебский урамында билдәһеҙ водитель йәйәүлене бәрҙереп ҡасҡан. Балаға табиптар ярҙамы талап ителгән.
Эҙләү эшенә Дәүләт автоинспекцияһының күпселек хеҙмәткәрҙәре йәлеп ителгән, ваҡиға сәбәптәре асыҡлана. Ведомство юл-транспорт ваҡиғаһының шаһиттарынан Башҡортостан буйынса Эске эштәр министрлығының ышаныс телефоны буйынса бәйләнешкә сығыуҙарын һорай: 8(347) 279-32-92.