Суд Белорет районында йәшәгән 58 йәшлек иргә 1 йылға иркенән сикләү тураһында ҡарар сығарған.
Белорет район-ара суды Белорет районында йәшәгән 58 йәшлек иргә ҡарата енәйәт эшен ҡараны. Ул ялған водитель таныҡлығын файҙаланыуҙа ғәйепләнә.
2024 йылдың йәйендә ғәйепләнеүсе 60 мең һумға ялған таныҡлыҡ һатып алған. Һуңғараҡ, 2025 йылдың ноябрендә, юл-транспорт ваҡиғаһы буйынса документтар тултырғанда ул инспекторға ялған документ күрһәткән, был хоҡуҡ һаҡлаусыларҙа шик тыуҙырған һәм енәйәт эше асыуға нигеҙ булған.
Ир кеше үҙ ғәйебен таныған. Суд уны бер йылға иркенән сикләү тураһында ҡарар сығарған.