Учалыла ялған водитель таныҡлығы менән йөрөгән өсөн 54 йәшлек иргә хөкөм ҡарары сығарылған.
Башҡортостан прокуратураһының матбуғат хеҙмәте мәғлүмәттәре буйынса, 2024 йылдың сентябрендә ғәйепләнеүсе билдәһеҙ кешенән 45 мең һумға ялған водитель таныҡлығы һатып алған. 2025 йылдың майында Белорет -Учалы - Миәс автомобиль юлында водителде ДАИ хеҙмәткәрҙәре туҡтатҡан. Тикшереү барышында документтың ялған булыуы асыҡланған.
Ир үҙ ғәйебен таныған. Суд 4 айға иректән сикләү тураһында ҡарар сығарған.