Амур өлкәһендә Ан-24 самолеты һәләкәткә осраған
Росавиацияның Ми-8 вертолеты самолеттың төтәп ятҡан фюзеляжын тапҡан.
Рәсәйҙең Ғәҙәттән тыш хәлдәр министрлығы мәғлүмәттәре буйынса, Амур өлкәһендә, Тында аэропортынан бер нисә километр алыҫлыҡта, «Ангара» авиакомпанияһының Ан-24 пассажир самолеты радарҙан юғалған һәм бәйләнешкә сығыуҙан туҡтаған. Ул Хабаровск – Благовещенск – Тында рейсын башҡарған. Бортта 40-ҡа яҡын кеше булған. Урынға Ғәҙәттән тыш хәлдәр министрлығы ҡотҡарыусылары юлланған.
Рәсәй Ғәҙәттән тыш хәлдәр министрлығының Амур өлкәһе буйынса баш идаралығы базаһында ҡыҙыу бәйләнеш телефоны эшләй: 8 (4162) 53-99-99.
Рәсәй Тәфтиш комитеты енәйәт эшен ҡуҙғатҡан.