7 йәшлек малай Өфө урамдары буйлап квадроциклда йөрөгән
Өфө Дәүләт автоинспекцияһы «Не рули, малай!» акцияһы барышында бәлиғ булмағандар менән эште дауам итә.
Өфөнөң Саҡмағош урамында юл-патруль хеҙмәте экипажы «Армис» квадроциклын туҡтатҡан. Рулдә 7 йәшлек малай ултырған. Тәртип һаҡсылары уның ата-әсәһен саҡыртҡан, мототранспортын тартып алған һәм махсус туҡталҡаға оҙатҡан.
Ҡаланың дәүләт автоинспекцияһы мәғлүмәттәре буйынса, ата-әсәләргә ҡарата уларҙы Административ хоҡуҡ боҙоуҙар тураһында кодексының 5.35 статьяһы буйынса (бәлиғ булмағанды тейешенсә ҡарамаған һәм тәрбиәләмәгән өсөн) административ яуаплылыҡҡа тарттырыу мәсьәләһе хәл ителә. Ҡарар бәлиғ булмағандар эштәре һәм уларҙың хоҡуҡтарын яҡлау комиссияһы тарафынан ҡабул ителә.