Республикала «КамАЗ» менән юл фажиғәһендә ике кеше һәләк булған
Дәүләт автоинспекцияһы хеҙмәткәрҙәре Өфө районында ике кешенең ғүмере өҙөлгән юл-транспорт ваҡиғаһы урынында эшләй. Яҡынса мәғлүмәттәр буйынса, 25 апрелдә көндөҙ Өфө – Инйәр – Белорет автомобиль юлының 2-се километрында «Шевроле Нива» менән «КамАЗ» бәрелешкән. Еңел автомобиль водителе һәм уның пассажиры ваҡиға урынында йән биргән.
Фажиғә урынында тәфтиш-оператив төркөм һәм эксперт-криминалистар эшләй.