Өфөлә юл-патруль хеҙмәте инспекторҙары мопед йөрөткән 10 йәшлек малайҙы туҡтатҡан
Юл-патруль хеҙмәте инспекторҙары Өфө урамында мопед йөрөткән 10 йәшлек малайҙы туҡтатҡан. Әлбиттә, малайҙың водитель таныҡлығы булмаған. Өфө дәүләт инспекцияһы мәғлүмәттәре буйынса, ваҡиға урынына уның ата-әсәһен саҡыртҡандар, баланы транспорт менән идара итеүҙән ситләткәндәр.
Бала тәрбиәләү буйынса бурыстарҙы тейешенсә үтәмәгән өсөн материалдар Рәсәйҙең Административ хоҡуҡ боҙоуҙар кодексының 5.35-се статьяһы буйынса малайҙың ата-әсәһен административ яуаплылыҡҡа тарттырыу өсөн бәлиғ булмағандар эштәре һәм уларҙың хоҡуҡтарын яҡлау комиссияһына тапшырылған.