Иглин районында йөк тейәгән фуралар бәрелешкән
Иглин районында өс йөк машинаһы бәрелешкән. Авария бөгөн иртәнге сәғәт һигеҙ тирәһендә М-5 «Урал» автомобиль юлының 1505-се саҡрымында теркәлгән. Яҡынса мәғлүмәттәр буйынса, Силәбенән Өфө яғына китеп барған «Вольво»ның 41 йәшлек водителе, идара итеү һәләтен юғалтып, ҡаршы һыҙатҡа сыҡҡан. Юл ситендә «Мерседес» автовозы, һуңынан юл ыңғай китеп барған «Скания» менән бәрелешкән.
Юл фажиғәһендә йәрәхәтләнгән «Мерседес»тың 61 йәшлек водителе дауаханаға оҙатылған. Автовоздың еңел автомобилдәре йәмшәйгән.
Әлеге осраҡ буйынса тикшереү бара, сәбәптәре асыҡлана. Дәүләт автоинспекцияһы хеҙмәткәрҙәре реверсив хәрәкәт ойошторған.