Стәрлетамаҡтар яҡташтарының ярҙамына мохтаж.

27 ғинуарҙа Нови-Сад — Суботица трассаһында дүрт автомобиль ҡатнашлығында ҡот осҡос авария теркәлгән. Бер машинала яҡташтарыбыҙ китеп барған. Стәрлетамаҡта тыуып үҫкән 33 йәшлек ир менән 31 йәшлек ҡатын ауыр йәрәхәттәр алған. Аварияла зыян күргән ҡатындың туғаны Эмилия Сәғәҙиева хәбәр итеүенсә, улар ашығыс рәүештә дауаханаға оҙатылған.

«2024 йылдан Сербияла йәшәйҙәр, IT-тармағында эшләйҙәр. Белградта булған саҡта уларға ҡала бик оҡшаған, шуға күрә күсенеп киттеләр. Фажиғә булаһы көндө икенсе ҡалаға медицина ярҙамы алырға тип китеп барғандар һәм ҡот осҡос аварияға осрағандар. Табиптар бер нисә операция яһаған. Апайымдың ирен яһалма рәүештә комаға индергәндәр, ә апайымды Суботицанан Белградҡа ебәргәндәр. Әле ул ауыр хәлдә реанимацияла ята. Табиптар мөмкин булғандың барыһын да эшләй. Был хаҡта беҙгә илселек вәкилдәре хәбәр итте», — тип һөйләне мәғлүмәт агентлығы әңгәмәсеһе.

Уның һүҙҙәренсә, ир менән ҡатындың страховкаһы рәсмиләштерелмәгән, ә сит илдә дауаланыу өсөн бик күп аҡса талап ителә. Бынан тыш, яҡындары уларға ярҙам күрһәтә алмай. 

«Тәржемәсе, Сербияла йәшәгән йәки унда барырға йыйынған кешеләрҙең ярҙамы кәрәк», — тип өҫтәне туғаны. 

https://www.bashinform.ru/news/law/2026-02-02/semeynaya-para-iz-bashkirii-postradala-v-zhutkom-massovom-dtp-v-serbii-4560852