Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йылы ла, йомшаҡ та Әбйәлил быймалары
Йылы ла, йомшаҡ та Әбйәлил быймалары
Былтырғы сатлама һыуыҡтар халыҡты йәнә быйма кейергә мәжбүр итте. Йылы, йомшаҡ, сифатлы аяҡ кейемен һораусылар һанының йылдан-йыл арта барыуы быйма баҫыу менән шөғөлләнгән Йәмил һәм Рафиҡ Баймырҙиндарҙың эшен йәнләндереп ебәргән.
Рафиҡ Ҡөҙрәт улы 2012 йылда Асҡарҙағы быйма баҫыу цехында үҙ эшен аса. Тәүҙә бинаны ҡуртымға ала, артабан һатып алыуға өлгәшә. Бөгөн бында, Урал аръяғы халҡына иң кәрәкле аяҡ кейемен етештереү менән бер рәттән, кейеҙ баҫыу эше лә яйға һалынған. Дүрт кешегә эш урыны булдырылған. Цехтың етәксеһе Йәмил Рафиҡ улы әйтеүенсә, быйманы һатып алыусының бар теләктәрен иҫәпкә алып төрлөсә баҫалар. Аҡ быйманы күберәк ҡатын-ҡыҙҙар һайлаһа, ҡараларын ир-егеттәр үҙ итә. Көлһыу төҫтәгеләренә ойошмалар күберәк заказ бирә, уны етәкселәр хеҙмәткәрҙәренә махсус аяҡ кейеме булараҡ һатып ала.
– Былтырғы сатлама һыуыҡ ҡышта бер ҡасан да быйма кеймәгән кешеләр ҙә беҙгә мөрәжәғәт итергә мәжбүр булды, – ти эшҡыуар. – Балалар быймаһы бик үтемле, шулай уҡ быйма баштарына ихтыяж күп. Аяҡ кейемен тик көҙгө йөндән генә баҫабыҙ, сеймалды район халҡынан йыйып алабыҙ. Килтереп тә бирәләр, йөн хаҡына ҡушып быйма алыусылар ҙа бар.
Асҡар быйма баҫыу цехында йөндө тетеү өсөн махсус ҡоролма ҡуйылған, уның ярҙамында сәғәтенә ун килограмм йөн тетелә. Әйткәндәй, ҡоролманың ҡеүәте тулыһынса файҙаланылмай, сөнки эшҡыуар аяҡ кейемен заказ буйынса эшләргә тырыша. Миҙгелле эш булғанлыҡтан, быймаға ихтыяж ноябрь – март айҙарына тиклем генә була. Тетелгән йөн артабан “Крокодил” тип аталған ҡоролмала махсус эшкәртелә, йыйыу цехында буласаҡ быйманың үлсәме махсус ҡалыптар ярҙамында билдәләнә. Бер үк размерҙың да төрлө ҡалыптары бар: аяҡтың йыуан йәки нәҙек булыуын иҫәпкә алып яһалған. Ҡайнар һыуҙа йыуылып, йөн ултырғас, уны Рафиҡ Ҡөҙрәт улы йәнә махсус ҡоролма ярҙамында эшкәртеп киптерә.
Тик быйма баҫыу ғына эшҡыуар өсөн отошло түгел, шунлыҡтан улар халыҡҡа башҡа хеҙмәт төрҙәрен дә күрһәтә. Халыҡтан һарыҡ йөнө ҡабул ителә, йөндө таҙартып, тетеп тә бирә улар. Айһылыу Суфиянова менән Рита Муллағәлләмова кейеҙ баҫа. Кейеҙҙе тирмә өсөн һораусылар күп, хәҙер олораҡ быуын үҙҙәренә ҡулланыу өсөн дә кейеҙ баҫтырып ала, ти уңған ҡыҙҙар. Бигерәк тә аҡ кейеҙгә ихтыяж ҙур. Уны эшләү еңел түгел, шунлыҡтан тауарҙың хаҡы ла юғары. 1,5х2,5 метр ҙурлыҡтағы кейеҙҙең хаҡы, ҡалынлығына ҡарап, 4-5 мең һум тора.
Районда йылҡысылыҡ тармағының үҫеүе кейеҙҙән үндек әҙерләүгә ихтыяж тыуҙырған. Шулай уҡ йөндән һырылған юрғандар ҙа үтемле, улар йылы ла, файҙалы ла.
Киләсәктә Йәмил Баймырҙин эшен артабан киңәйтергә иҫәп тота. Аҡ кейеҙҙән тирмәләр яһау, йылы һәм йомшаҡ быймаларҙы күрше райондарға һатыуға сығарыу, кейеҙҙән төрлө кейем тегеү теләктәре менән яна ул.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 1 279

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 1 509

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 1 415

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 1 176

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 1 022

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 1 404

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 1 740

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 1 759

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 2 393

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 1 587