Стәрлетамаҡ ҡалаһында 26 марттан 5 апрелгә тиклем үтәсәк “Йәштәр. Прогресс. Фән” фестивале сиктәрендә БашДУ-ның Стәрлетамаҡ филиалының Студенттар ғилми йәмғиәте “Science-com” исеме аҫтында саралар ойошторорға йыйына.

Ике аҙна буйына ҡала һәм республика кимәлендә ун сара үтәсәк. Мәҫәлән, ҡунаҡтар, студенттар, уҡытыусылар өсөн softskills алыу буйынса оҫталыҡ дәрестәре, “Креатив ҡала” түңәрәк өҫтәл ултырышы, ҡала балалар технопаркы һәм коворкинг буйынса асыҡ ишектәр, “Sciene-Con” ғилми-популяр конференция, Coda.do конструкторында лендингтар булдырыу, IT-квест кеүек саралар ҡаралған.