Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Зариф икмәге”нә сират оҙон

Оҫталар тәмле ризыҡтың серен белә.

Икмәк – иң изге, ҡәҙерле ризыҡ. Ниндәй генә табын ҡорһаҡ та, уның урыны – түрҙә. Раевка ауылындағы “Зариф” икмәкханаһы эшсәндәре йәшәү сығанағы булған ошо ризыҡты етештереүе менән хаҡлы рәүештә ғорурлана. “Зариф икмәге” (халыҡ шулай тип йөрөтә) һәр саҡ юғары сифатлы, тәмле булыуы менән билдәле. Бында етештерелгән күмәс-ҡаластар Раевканың брендына әүерелеп бара. Уның сере ниҙә һуң? Һорауға яуап табыу өсөн икмәкхананың эшмәкәрлеге менән яҡындан танышырға булдыҡ.

Ул мең квадрат метр самаһы майҙанды биләгән заманса бинала урынлашҡан. Бер өлөшөн үҙҙәренең фирма магазины биләй. Күпереп бешкән, һыуы­нып та өлгөрмәгән хуш еҫле икмәк-булка һәм кондитер ризыҡтарының бай ассортиментынан кәштәләр һығылып тора. Уларҙы халыҡ сират тороп ала.

– Беҙҙең ҡаластарға ихтыяж ҙур, сөнки тәмле, бәрәкәтле булһын өсөн шартына килтереп бешерәбеҙ. Ҡамырҙы халҡы­быҙҙың элек-электән килгән йолаһы буйынса ҡомалаҡ әсет­ке­һендә генә ҡабартабыҙ. Ҡома­лаҡ ҡамырға хуш еҫ бирә, икмәк оҙаҡ һаҡлана. Технологик талаптарҙы еренә еткереп баш­ҡарабыҙ. Ҡамырҙың өлгөрөү ваҡыты 5-12 сәғәт, – тип һөйләй технолог Нурсилә Искәндәрова.

Икмәкхана тәүлек әйләнә­һенә эшләй. Бында илле төргә яҡын ризыҡ етештерелә. Көн һайын иртә менән предприя­тиеның биш машинаһы продукция тейәп сауҙа урындарына юл ала. Раевка ауылында – 30, Дәүләкән ҡалаһында – 26, шулай уҡ Аксен, Шөңгәккүл ауылдарында тиҫтәләрсә магазинды үҙҙәренең тауары менән тәьмин итәләр. Бынан тыш, икмәк-булка һәм кондитер ризыҡтарын Стәрлетамаҡ ҡалаһынан, Бишбүләк районынан бик күп сауҙа предприятиелары үҙҙәре килеп ала. Улар менән хеҙмәттәшлек йылдан-йыл киңәйә, сөнки икмәкха­наның продукцияһына ихтыяж арта.

Быны күҙ уңында тотоп, предприятиеның мөмкинлек­тәрен тағы ла тулыраҡ файҙа­ланыу, ассортиментты байытыу хәстәрлеге күрелә. Һуңғы осорҙа итле бәлеш, ваҡ бәрәмәс, сейбөйөрөк кеүек ризыҡтар етештерә башла­ғандар. Уларҙы бешереү өсөн итте республиканың экологик саф төбәктәренән һатып алалар. Тантаналы табындарға, байрамдарға заказдар айырыуса күп. Халыҡтың ихтыяжынан сығып, етештереү күләмен арттырыу, заманса технологиялар индереүгә икмәкхана етәкселеге ҙур тырышлыҡ һәм сығымдар йүнәлтә. Етәкселек тигәндә, булдыҡлы эшҡыуар Ринат Зарипов хаҡында һүҙ бара.

Бөгөн “Зариф” икмәкханаһы заманса етештереү пред­приятие­һы булып үҫешкән. Районда Ринат Мөхәмәтғариф улын яҡшы беләләр. Сирек быуат мәктәптә физкультура уҡытыусыһы булып эшләй ул. Илдә бәләкәй эшҡыуарлыҡ менән шөғөлләнеү мөмкинлеге тыуғас, ошо йүнәлештә үҙенең көс-һәләтен һынап ҡарарға була. Шафран ауылында ябыҡ торған мәктәп ашханаһын ҡуртымға алып, иҫке генә булһа ла йыһаз урынлаштыра. Бер ярҙамсыһы менән икмәк бешереүгә тотона. Ни бары 40 дананан башлайҙар.


Ринат Зарипов икмәкте баҙарға үҙе сығарып һата. Балаларҙың яратҡан уҡытыу­сыһы итеп күрергә ғәҙәтләнгән халыҡ уның һөнәрен алмаштырыуына тәүҙә ғәжәпләнеп ҡарай. Әммә Зариповтарҙың шәжәрәһен барлай башлаһаң, Ринат Мөхәмәтғариф улы был шөғөлгә осраҡлы тотонған, тип булмай. Уның ҡартатаһы заманында тирә-яҡта билдәле тирмәнсе була. Тирмәнсе ейәненең икмәк бешереүсе булыуы һис тә ғәжәп түгел. Йәнә шул, Ринат ун бер балалы ғаиләлә үҫә. Ишле ғаиләне туйҙырыу өсөн әсәһе көн аралаш тиерлек мейескә икмәк һала. Табындан күпереп бешкән ҡалас, өй эсенән уның хуш еҫе өҙөлмәй. Бала саҡ һәм үҫмер йылдарының ҡәҙерле һәм онотолмаҫ иҫтәлектәре илле йәшкә яҡынлашҡан ир-уҙаманға тормош юлында боролош яһарға бер этәргес булғандыр, моғайын.

Кемгә нисектер, миңә ҡалһа, эшҡыуарҙарҙың тормошо тотош бәйгене хәтерләтә. Йәштән спорт менән шөғөлләнгән Ринат Мөхәмәтғариф улының да тәби­ғәтенә бәйге сәмлелеге, еңеүгә ынтылыш хас. Шуға ла ул юлын­да осраған ҡыйын­лыҡ­тарҙы еңергә үҙендә көс таба, иртәгәгә ышаныс менән ҡарай.

Эшмәкәрлеген киңерәк йә­йел­дереү ниәтенән Зариповтар ғаиләһе Раевкаға күсенә. Бында ул ҡуртымға ҙурыраҡ бина алып, продукция етештереүҙе тағы ла арттыра. Үҙенә эшкә райондағы оҫта икмәк беше­реүселәрҙе саҡыра. Иң тәмле, юғары сифатлы икмәк бешереү, табындарҙың муллығын арттырыу уның төп маҡсаты була. Бөтә тырыш­лығын ошоға йүнәлтә.

Артабан Раевка ауылында үҙенең шәхси икмәкханаһын төҙөтә һәм заманса яңы йыһаз урынлаштыра. Ҡеүәтле производство шарттарында етеш­т­е­реү күләме артҡандан-арта.

Әммә эшҡыуар күләм артынан ғына ҡыумай. Төп иғтибар­ҙы сифатҡа йүнәлтә. Был аңлашыла, сөнки икмәк бе­шереү бизнесында көнәркәшлек көслө. Һатып алыусыға һайлап алыу мөмкинлеге ҙур. Ә инде кешеләр “Зариф икмәге”нә өҫтөнлөк бирә икән, был – эшҡыуарҙың хеҙмәтенә иң юғары баһа.


Республика күләмендәге конкурстарҙа, фестивалдәрҙә лә икмәкхананың продукцияһы танылыу яулай. Был коллек­тивтың һөнәри оҫталығын дәлилләй. Хеҙмәткәрҙәрҙең һәр ҡайһыһы – үҙ эшенең оҫтаһы.

Ринат Зарипов – хәҙер районда ғына түгел, республикала билдәле эшҡыуар. Әммә ул үҙенең булмышына тоғро. Һаман, уҡытыусыларға хас булғанса, итәғәтле, изгелекле һәм хәстәрлекле булып ҡала. Шуға ла уны хеҙмәттәштәре ихтирам итә.

Ринат Мөхәмәтғариф улы мәктәпте онотмай. Уларға спорт йыһазы һатып алырға, спорт саралары ойошторорға ярҙам итә. Шуға ла ул райондың “Физик культура һәм күмәк спортты үҫтереүгә тос өлөш индергән өсөн” кубогы менән бүләк­ләнгән.

Тырыш эшҡыуар үҙ пред­прия­тиеһын тағы ла үҫтереү, камиллаштырыу хәстәрлеген күрә, матур уй-ниәттәр ҡора. Яңыраҡ ул Германияла эшлекле сәфәрҙә йөрөп ҡайтты. Унда алдынғы ҡаҙаныштарға нигеҙ­ләнгән икмәк бешереү йыһаз­дары, яңы технологиялар менән танышты. Шуныһы раҫ: был ҡаҙаныштар киләсәктә уның предприятиеһында ла ҡул­ланыу табыр.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Ауыл ҡатынының тормошон ауырлаштыралар

Ауыл ҡатынының тормошон ауырлаштыралар 27.03.2019 // Ауыл хужалығы

Ауыл ерендә эшләгән ҡатын-ҡыҙҙы бигүк күңелле булмаған үҙгәрештәр көтә. Рәсәйҙең Хеҙмәт һәм социаль...

Тотош уҡырға 1 448

Илдар ирландтарҙы нимәгә өйрәтер?

Илдар ирландтарҙы нимәгә өйрәтер? 26.03.2019 // Ауыл хужалығы

Мәләүез районынан Илдар Ишәкәев Ирландияға юлға сыҡты....

Тотош уҡырға 962

Ҡыш бауыры  оҙон түгел

Ҡыш бауыры оҙон түгел 26.03.2019 // Ауыл хужалығы

Арбаңды — ҡыш, санаңды йәй әҙерлә....

Тотош уҡырға 1 291

Ауылды улар йәшәтә

Ауылды улар йәшәтә 26.03.2019 // Ауыл хужалығы

Грант аҡсаһына — һөтсөлөк фермаһы....

Тотош уҡырға 1 436

Хәҙер Ахунға барырға мөмкин

Хәҙер Ахунға барырға мөмкин 23.03.2019 // Ауыл хужалығы

Учалы районында быға тиклем махсус мал һуйыу урындары икәү генә ине – ҡалала һәм Озерный...

Тотош уҡырға 982

Һөт сертификация үтәсәк

Һөт сертификация үтәсәк 22.03.2019 // Ауыл хужалығы

Рәсәй Ауыл хужалығы министрлығынан хәбәр итеүҙәренсә, быйыл майҙа әҙер һөт продукцияһын “Меркурий”...

Тотош уҡырға 986

Ауыл хужалығы предприятиеларын көтәләр

Ауыл хужалығы предприятиеларын көтәләр 19.03.2019 // Ауыл хужалығы

Шишмә районында ауыл хужалығы йүнәлешендәге индустрия паркы барлыҡҡа киләсәк....

Тотош уҡырға 954

“Ленин”дарға эйәрергә була

“Ленин”дарға эйәрергә була 19.03.2019 // Ауыл хужалығы

Стәрлебаш районының Ленин исемендәге ауыл хужалығында мал ҡышлатыу уңышлы ойошторолған....

Тотош уҡырға 1 030

Сифатлы орлоҡһоҙ алға китеш юҡ

Сифатлы орлоҡһоҙ алға китеш юҡ 19.03.2019 // Ауыл хужалығы

Был һүҙҙәрҙең дөрөҫлөгөн ерҙе яратҡан һәр кем яҡшы аңлай. Әлбиттә, һауа шарттарының нисек килеүе,...

Тотош уҡырға 946

“Ҡалмыҡ” тоҡомлолар даланы үҙ иткән

“Ҡалмыҡ” тоҡомлолар даланы үҙ иткән 19.03.2019 // Ауыл хужалығы

Хәйбулла районы Өфө ауылынан Марат Булатов – районда малсылыҡ тармағында уңышлы эшләгән...

Тотош уҡырға 1 016

Ауыл ерендә эшләгәндәр өҫтәмә алды

Ауыл ерендә эшләгәндәр өҫтәмә алды 18.03.2019 // Ауыл хужалығы

1 ғинуарҙан ауыл ерендә малсылыҡта, үҫемлекселектә, балыҡсылыҡта 30 йыл эшләгән пенсионерҙарға...

Тотош уҡырға 1 199

Ҡолоштан мал алмай тор...

Ҡолоштан мал алмай тор... 18.03.2019 // Ауыл хужалығы

Учалы районының Ураҙ ауыл биләмәһенә ҡараған Ҡолош ауылында ғәҙәттән тыш хәл теркәлгән....

Тотош уҡырға 989