Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Абруй уртаҡ эштә яулана
“500 ферма” программаһына инеү уй-хыялдарҙы тормошҡа ашырыуға булышлыҡ иткән.

Нуғай яланына аяҡ баҫҡанда механизаторҙар төшкө аштан һуң әле генә баҫыуға төшкәйне. Кемдер урғысты уралған үләндән таҙарта, кукурузды ситкә өйә, икенселәр машина тәҙрәһен һөртә, кабинаны һеперә. Беҙҙе оҙатып йөрөгән “Крупская” яуаплылығы сикләнгән йәмғиәте ауыл хужалығы предприятиеһы директоры Вәсил Бәҙертдиновтың уларға ҡушылып китеүе тәү ҡарамаҡҡа сәйер тойолдо.

Быны һиҙгәндәй, бына нимә тине ул:
– Ябайлыҡта бөйөклөк икәне бәхәсһеҙ, үҙең һәр береһе менән бергә ҡайнағанда ғына, ҡул аҫтындағылар менән уртаҡ тел табырға мөмкин. Һәр ваҡыт уларҙың араһында йөрөргә тырышам, былай иткәндә эшселәрҙең хәл-торошона тәрәнерәк төшөнәһең, йәмғиәттәге төрлө мәсьәләләргә бүтән күҙлектән ҡарайһың. Абруйҙы бит екереп, аҡырып-баҡырып яулап булмай.

Хужалыҡтың идаралығы – Шулған ауылында, ә Гәрәбәш менән Ҡашҡаҡта уның бригадалары урынлашҡан, аралары әллә ни йыраҡ түгел. Даими рәүештә 150 кеше (сәсеү һәм ураҡ осоронда уларҙың һаны 200-ҙән аша) эшләгән йәмғиәт үҫемлекселек һәм малсылыҡ буйынса махсуслашҡан.

Вәсил Фәтихйән улының һүҙҙәренә ҡарағанда, “500 ферма” программаһына инеү күҙ алдына ла килтерә алмаған уй-хыялдарҙы тормошҡа ашырыуға булышлыҡ иткән. Алты мал базаһы тулыһынса үҙгәртеп ҡоролған, заманса өс һөт блогы төҙөлгән, шулай уҡ өс силос һәм сенаж соҡоро ҡаҙылған. “Крупская” хужалығында дүрт мең ярым тирәһе һыйыр малы иҫәпләнә, шуның 700-ө һауын һыйыры. Һөрөнтө ерҙәре – 6 мең 600 гектар. Иген культураларының гектар ҡеүәте 20 центнер тәшкил иткән. Әле ерҙе туңға һөрөү дауам итә. Быйыл һуңғы ун йылда булмаған хәл теркәлгән – 65 мең тонна тулайым иген йыйып алғандар.

Вәсил Бәҙертдинов белдереүенсә, ниндәй ҙә ауылды мәктәп, клуб һәм хужалыҡ йәшәтә, улар бөтһә, киләсәк тураһында һөйләүҙән ни фәтүә?! Кешеләрҙең бер-береһенә теләктәш булыуы, тырышып донъя көтөүе – уның өсөн ҙур һөйөнөс. Йәштәрҙең ер эшен яратыуы шулай уҡ киләһе көндәргә өмөт уята. Әйткәндәй, комбайнсы Илшат Ғарипов, зоотехник Тимур Бәҙертдинов, быҙау ҡараусы Венера Заһитова, механизатор Айгиз Әхмәтханов, инженер Динир Бәҙертдинов, һауынсы Рушания Сәлимова ише йәш егет-ҡыҙҙар барҙа тау аҡтарырға мөмкин.

Нуғай баҫыуы 135 гектарға йәйелгән, унда эште тамамлауға инде Гәрәй йылғаһы аръяғындағыһына күсәсәктәр. “Крупская”ларҙың эшенең ыңғай барыуының сере ябай ғына – хужалыҡта һәр кем үҙенең бурысына яуаплы ҡарай.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Ауыл ҡатынының тормошон ауырлаштыралар

Ауыл ҡатынының тормошон ауырлаштыралар 27.03.2019 // Ауыл хужалығы

Ауыл ерендә эшләгән ҡатын-ҡыҙҙы бигүк күңелле булмаған үҙгәрештәр көтә. Рәсәйҙең Хеҙмәт һәм социаль...

Тотош уҡырға 1 448

Илдар ирландтарҙы нимәгә өйрәтер?

Илдар ирландтарҙы нимәгә өйрәтер? 26.03.2019 // Ауыл хужалығы

Мәләүез районынан Илдар Ишәкәев Ирландияға юлға сыҡты....

Тотош уҡырға 962

Ҡыш бауыры  оҙон түгел

Ҡыш бауыры оҙон түгел 26.03.2019 // Ауыл хужалығы

Арбаңды — ҡыш, санаңды йәй әҙерлә....

Тотош уҡырға 1 290

Ауылды улар йәшәтә

Ауылды улар йәшәтә 26.03.2019 // Ауыл хужалығы

Грант аҡсаһына — һөтсөлөк фермаһы....

Тотош уҡырға 1 436

Хәҙер Ахунға барырға мөмкин

Хәҙер Ахунға барырға мөмкин 23.03.2019 // Ауыл хужалығы

Учалы районында быға тиклем махсус мал һуйыу урындары икәү генә ине – ҡалала һәм Озерный...

Тотош уҡырға 981

Һөт сертификация үтәсәк

Һөт сертификация үтәсәк 22.03.2019 // Ауыл хужалығы

Рәсәй Ауыл хужалығы министрлығынан хәбәр итеүҙәренсә, быйыл майҙа әҙер һөт продукцияһын “Меркурий”...

Тотош уҡырға 986

Ауыл хужалығы предприятиеларын көтәләр

Ауыл хужалығы предприятиеларын көтәләр 19.03.2019 // Ауыл хужалығы

Шишмә районында ауыл хужалығы йүнәлешендәге индустрия паркы барлыҡҡа киләсәк....

Тотош уҡырға 953

“Ленин”дарға эйәрергә була

“Ленин”дарға эйәрергә була 19.03.2019 // Ауыл хужалығы

Стәрлебаш районының Ленин исемендәге ауыл хужалығында мал ҡышлатыу уңышлы ойошторолған....

Тотош уҡырға 1 030

Сифатлы орлоҡһоҙ алға китеш юҡ

Сифатлы орлоҡһоҙ алға китеш юҡ 19.03.2019 // Ауыл хужалығы

Был һүҙҙәрҙең дөрөҫлөгөн ерҙе яратҡан һәр кем яҡшы аңлай. Әлбиттә, һауа шарттарының нисек килеүе,...

Тотош уҡырға 945

“Ҡалмыҡ” тоҡомлолар даланы үҙ иткән

“Ҡалмыҡ” тоҡомлолар даланы үҙ иткән 19.03.2019 // Ауыл хужалығы

Хәйбулла районы Өфө ауылынан Марат Булатов – районда малсылыҡ тармағында уңышлы эшләгән...

Тотош уҡырға 1 015

Ауыл ерендә эшләгәндәр өҫтәмә алды

Ауыл ерендә эшләгәндәр өҫтәмә алды 18.03.2019 // Ауыл хужалығы

1 ғинуарҙан ауыл ерендә малсылыҡта, үҫемлекселектә, балыҡсылыҡта 30 йыл эшләгән пенсионерҙарға...

Тотош уҡырға 1 199

Ҡолоштан мал алмай тор...

Ҡолоштан мал алмай тор... 18.03.2019 // Ауыл хужалығы

Учалы районының Ураҙ ауыл биләмәһенә ҡараған Ҡолош ауылында ғәҙәттән тыш хәл теркәлгән....

Тотош уҡырға 989