Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Барыһы ла йәштәр мәнфәғәтендә
Бер меңгә яҡын халыҡ йәшәгән Йомаш ауылының төҙөклөгөнә, йорттарҙың ҡупшылығына, урам буйҙарында сүп әҫәренең күренмәүенә, һәр ерҙә тәртип, таҙалыҡ булыуына һоҡланып, йәмле йәйҙең хозурлығына кинәнеп, уй-фекерҙәребеҙ менән уртаҡлашып килеүебеҙ. Йомаш ауыл Советына туғыҙ ауыл ҡарай, барыһы ла шулай хайран ҡалдырырлыҡмы, халыҡҡа йәшәү өсөн уңайлымы икән?

Элек-электән бында сыуаш, мари, башҡорт, татар, урыҫ халҡы бергәләшеп донъя көтә, бала-саға үҫтерә, иген игә. Саҡмағоштарҙы ысын мәғәнәһендә илһөйәрҙәр, үҙ еренең хужалары тип атарға мөмкин, сөнки эш урындары булдырылған, көнкүреш шарттары көндән-көн яҡшырған төбәкте ташлап, ҡайҙан ниндәй ожмах мөйөшөн эҙләмәк кәрәк? Киреһенсә, улар тыуған төйәктәрен балалары, ейән-ейән­сәрҙәре ҡарамағына етеш, донъя көтөү өсөн уңайлы, бай төйәк, әкиәттәрҙә һүрәтләнгән хан һара­йындай йорттар ҡалдырыу яғында. Ауыл Советы рәйесе Рәмилә Сәлимгәрәева ауылдың Йәштәр урамына еткәс, машинаһын туҡтатып:

– Күрҙегеҙме бер иш кенә теҙелеп киткән матур йорттарҙы? 11 йорт төҙөп, хужалыҡ белгестәренә тап­шырҙыҡ. Араларында уҡытыусылар ҙа, медицина хеҙмәткәрҙәре лә бар. Кемдер йәштәр программаһы буйынса, кемдер Әсәлек капиталы ярҙамында өйлө булды. Хужалыҡ та был эштән ситтә ҡалмай.

Йәштәр урамында яңы һалынған йорттар һаны ҡырҡҡа етте. Бөтә коммуникациялар үткәрелгән, асфальт юлдар ялтлап ята, – тине ауыл хакимиәте башлығы. – Киләсәгебеҙ йәштәр ҡулында икәнлеген яҡшы аңлайбыҙ. Хатта беҙ, никахлашыусы йәштәрҙең ихтыяжын күҙ уңында тотоп, быйыл йәй “Мөхәббәт күпере” лә һалдыҡ. Әйҙәгеҙ, күреп ҡайтығыҙ! Буярға ғына өлгөрмәнек…

Яндауырға никахтың ныҡлығы символына әүерелгән йоҙаҡтарҙың эленеп тороуына ла шаһит булдыҡ, тимәк, “Мөхәббәт күпере”нә юл һалынған да инде.

Йомаштың үҙенә генә хас иҫтә­лекле урындары бар. Ауыл урта­һында һәр кемде сәләмләп ҡаршы алған һылыу – сыуаш ҡатын-ҡыҙ­ҙарының боронғо милли кейемендәге ҡыҙ һәйкәле – иғтибарҙы үҙенә тарта. Кемдер сыуаш яҙыусыһы Константин Ивановтың “Нарспи” поэмаһының фажиғәле яҙмышлы героиняһы һынландырылған, тип фараз итә. Ә беҙгә ул үҙ илен һөйгән, тыныс тормошта балалар үҫтергән, аяғында ныҡлы баҫып торған ғорур сыуаш ҡатын-ҡыҙын кәүҙәләндергәндәй тойолдо. Һалҡын шишмә ағып сыҡҡан оло биҙәкле самауырҙан һыу эстек, күҙҙең яуын алырҙай сәскә клумбаларына һоҡланып туйманыҡ, райондағы берҙән-бер сиркәү эргәһенә лә барып әйләндек.
Ә төп маҡсатыбыҙ – “Башҡортос­тандың 100 йыллығына – 100 объект” исемлегенә ингән 95 урынлыҡ балалар баҡсаһының төҙөлөш барышы менән танышыу.

– Халыҡтың үтенесен иҫәпкә алып, киләсәкте күҙаллап, ошо мөһим эшкә тотондоҡ, – ти ауыл хакимиәте башлығы. – Йомашта ҡырҡ бала йөрөгән балалар баҡсаһы эшләй, әммә ихтыяж артҡандан-арта. Беҙгә сит төбәктәрҙән күсеп килеү­селәр ҙә бар, сөнки яңы эш урындары етерлек. Игенде киптереү ҡорол­маһы эшләй, мал аҙығы етештереүсе предприятие төҙөлә, өр-яңы ферма сафҡа инде. Тағы ла 1500 башҡа иҫәпләнгән ферма һалыу планлаш­тырылған. Тимәк, өҫтәмә эшсе ҡулдар талап ителәсәк. Яңы балалар баҡсаһын сафҡа индереүгә уға йөрөйәсәк кескәйҙәр исемлеге лә әҙер булыр.

Төҙөлөш майҙанында эш ҡайнай. Ташсылар төшкө аштан һуң йәнә стеналарҙы “үҫтереүгә” тотондо. Төҙөлөштөң генераль подрядсыһы – “Блэк” яуаплылығы сикләнгән йәмғиәте. Участка начальнигы Михаил Карслян әйтеүенсә, ҡышҡа тиклем объектты ҡыйыҡ аҫтына ин­дереү, тәҙрәләр ҡуйыу эштәре тамамланғас, эске бүлмәләрҙе биҙәү эштәренә тотонасаҡтар.

– Эш график буйынса бара. Заманса йыһазландырылған, айырым ҡаҙанлығы булған күркәм баҡса йомаштарҙың теләген ҡәнәғәт­ләндерер, минеңсә. Асфальт юлдар, машиналар ҡуйыу өсөн туҡталҡа, эргәлә генә парк… Киләһе йыл килһәгеҙ, биләмәне танымаҫһығыҙ ҙа әле, – тип өҫтәне участка етәксеһе.

– …Ә һин ерһөйәр саҡмағош­тарҙың ожмахтай төбәгендә йәшәргә теләр инеңме? – тип уйынлы-ысынлы һорайым юлдашымдан.

– Шәп! Сәмле халыҡ, булдыҡлы етәкселәр… Тик минең тыуған Нуриманымдан айырылаһым юҡ, – тине Айрат етди төҫ менән. Ожмахты үҙ ҡулың менән булдырыу ҡәҙерлерәк тә, яуаплыраҡ та шул.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Ауыл ҡатынының тормошон ауырлаштыралар

Ауыл ҡатынының тормошон ауырлаштыралар 27.03.2019 // Ауыл хужалығы

Ауыл ерендә эшләгән ҡатын-ҡыҙҙы бигүк күңелле булмаған үҙгәрештәр көтә. Рәсәйҙең Хеҙмәт һәм социаль...

Тотош уҡырға 1 448

Илдар ирландтарҙы нимәгә өйрәтер?

Илдар ирландтарҙы нимәгә өйрәтер? 26.03.2019 // Ауыл хужалығы

Мәләүез районынан Илдар Ишәкәев Ирландияға юлға сыҡты....

Тотош уҡырға 962

Ҡыш бауыры  оҙон түгел

Ҡыш бауыры оҙон түгел 26.03.2019 // Ауыл хужалығы

Арбаңды — ҡыш, санаңды йәй әҙерлә....

Тотош уҡырға 1 291

Ауылды улар йәшәтә

Ауылды улар йәшәтә 26.03.2019 // Ауыл хужалығы

Грант аҡсаһына — һөтсөлөк фермаһы....

Тотош уҡырға 1 437

Хәҙер Ахунға барырға мөмкин

Хәҙер Ахунға барырға мөмкин 23.03.2019 // Ауыл хужалығы

Учалы районында быға тиклем махсус мал һуйыу урындары икәү генә ине – ҡалала һәм Озерный...

Тотош уҡырға 982

Һөт сертификация үтәсәк

Һөт сертификация үтәсәк 22.03.2019 // Ауыл хужалығы

Рәсәй Ауыл хужалығы министрлығынан хәбәр итеүҙәренсә, быйыл майҙа әҙер һөт продукцияһын “Меркурий”...

Тотош уҡырға 986

Ауыл хужалығы предприятиеларын көтәләр

Ауыл хужалығы предприятиеларын көтәләр 19.03.2019 // Ауыл хужалығы

Шишмә районында ауыл хужалығы йүнәлешендәге индустрия паркы барлыҡҡа киләсәк....

Тотош уҡырға 954

“Ленин”дарға эйәрергә була

“Ленин”дарға эйәрергә була 19.03.2019 // Ауыл хужалығы

Стәрлебаш районының Ленин исемендәге ауыл хужалығында мал ҡышлатыу уңышлы ойошторолған....

Тотош уҡырға 1 030

Сифатлы орлоҡһоҙ алға китеш юҡ

Сифатлы орлоҡһоҙ алға китеш юҡ 19.03.2019 // Ауыл хужалығы

Был һүҙҙәрҙең дөрөҫлөгөн ерҙе яратҡан һәр кем яҡшы аңлай. Әлбиттә, һауа шарттарының нисек килеүе,...

Тотош уҡырға 946

“Ҡалмыҡ” тоҡомлолар даланы үҙ иткән

“Ҡалмыҡ” тоҡомлолар даланы үҙ иткән 19.03.2019 // Ауыл хужалығы

Хәйбулла районы Өфө ауылынан Марат Булатов – районда малсылыҡ тармағында уңышлы эшләгән...

Тотош уҡырға 1 016

Ауыл ерендә эшләгәндәр өҫтәмә алды

Ауыл ерендә эшләгәндәр өҫтәмә алды 18.03.2019 // Ауыл хужалығы

1 ғинуарҙан ауыл ерендә малсылыҡта, үҫемлекселектә, балыҡсылыҡта 30 йыл эшләгән пенсионерҙарға...

Тотош уҡырға 1 199

Ҡолоштан мал алмай тор...

Ҡолоштан мал алмай тор... 18.03.2019 // Ауыл хужалығы

Учалы районының Ураҙ ауыл биләмәһенә ҡараған Ҡолош ауылында ғәҙәттән тыш хәл теркәлгән....

Тотош уҡырға 990