Предприятиеның эш хаҡы түләү системаһын үҙгәртергә хоҡуғы бармы?
— Рәсәй Хеҙмәт кодексының 57-се статьяһына ярашлы, эш хаҡы — хеҙмәт килешеүендәге мөһим шарттарҙың береһе. Эш биреүсе ошо шарттарҙы үҙгәртеү хаҡында үҙенең хеҙмәткәренә ике ай элек яҙма хәбәр итергә тейеш. Хеҙмәткәр ризалашмаһа, етәксе уға башҡа эш тәҡдим итергә бурыслы. Бындай ғәмәлдәр хоҡуҡтарығыҙҙы боҙа тип уйлайһығыҙ икән, хеҙмәт бәхәстәрен хәл итеү буйынса комиссияға йәки судҡа мөрәжәғәт итә алаһығыҙ.

Фатир һатып алыу хаҡында

Ышаныс ҡағыҙы буйынса фатир һатып алырға мөмкинме?

— Нотариус тарафынан раҫланған ышаныс ҡағыҙында вәкилегеҙгә ошондай вәкәләт биреүегеҙ күрһәтелһә, ул фатир һатып алыу мөмкинлегенә эйә. Был осраҡта үҙегеҙ ҙә, паспортығыҙ ҙа кәрәкмәй. Вәкилегеҙгә төп документығыҙҙың күсермәһе лә етә.