Өфөлә хәүефле һәм билдәһеҙ инфекцияларҙы өйрәнеү өсөн лаборатория төҙөлә

Өфөлә федераль бюджет иҫәбенә хәүефле һәм билдәһеҙ инфекцияларҙы тиҙ арала асыҡлау (24 сәғәт) һәм өйрәнеү өсөн юғары кимәлдәге биологик хәүефһеҙлек лабораторияһы төҙөлә. Тейешле бойороҡҡа Рәсәй хөкүмәте рәйесе Михаил Мишустин ҡул ҡуйған.

Рәсәй Федерацияһының «Һаулыҡ һаҡлауҙы үҫтереү» дәүләт программаһы сиктәрендә ғәмәлгә ашырылған капиталь төҙөлөш объекттары исемлегендә йәмғеһе 16 медицина учреждениеһы бар. Бындай объекттарҙы төҙөүҙе, реконструкциялауҙы «тулыһынса йәки өлөшләтә федераль бюджет аҡсаһы иҫәбенә тормошҡа ашырыу» планлаштырыла, тип тиелә документта.

Улар араһында – Өфөлә хәүефле һәм билдәһеҙ инфекцияларҙы тиҙ арала асыҡлау (24 сәғәт) һәм өйрәнеү өсөн юғары кимәлдәге биологик хәүефһеҙлек лабораторияһы төҙөлөшө. Благовещенда, Красноярскиҙа, Магаданда, Пермдә, Һамарҙа һәм Силәбелә лә ошондай лабораториялар асыла.

Башҡортостанда йәш ғалимдарға ярҙам күрһәтеү тураһында Башинформ материалында уҡығыҙ.

https://www.bashinform.ru/news/medicine/2025-06-18/v-ufe-postroyat-laboratoriyu-po-izucheniyu-opasnyh-i-neizvestnyh-infektsiy-4280031