Өфөләге Конгресс-холда Ҡыш бабайҙың Раштыуа шыршыһы уҙғарылды. Байрамда “Ҡыш бабайға хат” проектында еңеп сыҡҡан 1 500 бала ҡатнашты.

Был көндө Конгресс-холдың концерт залы сәхнәһендә ҡуйылған әкиәт берәүҙе лә битараф ҡалдырмағандыр, моғайын. Ҡышҡы һарайҙың ишеген асып инеү менән сихри донъяға эләгәһең: “Ҡыш бабайға хат” проектында ҡатнашыусыларҙың ҡул эштәренән һәм хаттарынан ойошторолған күргәҙмә, татлы бүләктәр, күңелле бәйгеләр, яңы йыл тамашаһы көтә ине һәр кемде. Балалар Ҡыш бабай менән аралашты, иҫтәлеккә фотоға төштө.