Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Табипҡа ышаныу сирҙе еңеләйтә

Мәләүез үҙәк район дауаханаһында тағы бер эндокринологтың ҡабул итә башлауы шунда уҡ тойолдо. Быны табип эҙләп, башҡа урынға барырға теләүселәрҙең һәм сираттың кәмеүендә лә күрергә була. 

Зөбәржәт Әмәкәсеваның поликлиникала эшләй башлауына биш кенә ай. Әммә ошо ҡыҫҡа ғына ваҡыт эсендә лә ул үҙен өмөтлө хеҙмәткәр итеп танытырға өлгөрҙө. Йәш белгес тимәйҙәр, ауырыуҙар уға ышанып килә. Һауығыу юлында иһә сирленең дауалаған табибына ышаныуы бик мөһим. 

Зөбәржәт Хәйрулла ҡыҙы сығышы менән Күмертау ҡалаһынан. Башҡорт дәүләт медицина университетының педиатрия факультетын тамамлағас, Өфөлә 21-се клиник дауаханала эндокринология буйынса ординатура үткән һәм, квотаға ярашлы, былтыр Мәләүез дауаханаһына эшкә килгән. 
– Коллектив мине йылы ҡаршы алды. Йәшәргә уңайлы бүлмә бирҙеләр. Бында һөнәри йәһәттән үҫергә лә шарттар бар. Ғөмүмән, эшләргә мөмкин, әммә матди-техник база нығыраҡ булһа, диагностикалау йәһәтенән эш күпкә еңеләйер ине, – ти табип-эндокринолог. 

Йәш белгес хаҡында үҙәк район дауаханаһында оҙаҡ йылдар шәфҡәт туташы булып эшләгән Вәсилә Ғафарова:
– Пациенттарға бик иғтибарлы беҙҙең яңы табип, улар менән әңгәмәләшкән ваҡытта уҡ һауығыуға ышаныс тыуҙыра белә. Сабырлығы, кеше күңелен аңлай белеүе менән дә айырыла ул, – тип ихтирамын белдерҙе.

Бөгөн районда өс меңгә яҡын кеше диабет менән ауырый. Шуның 80-дән ашыуында – беренсе, ҡалғандарында икенсе типтағы шәкәр сире асыҡ­ланған. Эндокринолог ҡалҡан биҙе, шәкәр диабеты менән бәйле сирҙәрҙе генә түгел, эндокрин системаһы эшмәкәрлеге боҙолоуға бәйле башҡа ауырыуҙарҙы асыҡларға һәм дауаларға ярҙам итә.

Зөбәржәт Әмәкәсева әйтеүенсә, шәкәр диабетының икенсе тибына, нигеҙҙә, һимереүҙән һәм юғары ҡан баҫымынан яфаланған оло йәштәге кешеләр дусар. Нәҫелендә шәкәр сирлеләр булған кешегә лә хәүефләнергә урын бар. Сарсау, ауыҙ эсенең кибеүе, арыу, эшкә һәләтлелектең кәмеүе, күҙҙең насарланыуы, аппетиттың яҡшырыуы менән бер рәттән, ауырлыҡты юғалтыу һәр кемде һиҫкәндерергә тейеш. Туғандарығыҙҙа, яҡын кешеләрегеҙҙә сирҙең ошондай билдәләрен күрһәгеҙ йәки тойһағыҙ, мотлаҡ эндокринологка барырға, ҡанда шәкәр кимәлен билдәләү өсөн анализ бирергә кәрәк. Ваҡытында дауалай башлау етди өҙлөгөүҙәрҙе иҫкәртәсәк. Ғөмүмән, сирҙең мәкерлелеге, хәүефе хаҡында тулыраҡ мәғлүмәткә эйә булыу бер кемгә лә ҡамасауламаҫ. Унан тыш, спорт һәм физик культура менән даими шөғөлләнергә, сәләмәт тормош алып барырға, саф һауала күберәк йөрөргә һәм дөрөҫ туҡланырға кәрәк: ул саҡта күп сирҙәр урап үтәсәк. 




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Дөрөҫ йәшәгеҙ

Дөрөҫ йәшәгеҙ 29.03.2019 // Сәләмәт булайыҡ

Заман ҙур тиҙлек менән алға елгәндә, йылдарға йылдар өҫтәлгән һайын тормоштоң мәғәнәһе, дөрөҫ...

Тотош уҡырға 188

Ғалимдар һөйөндөрмәне

Ғалимдар һөйөндөрмәне 29.03.2019 // Сәләмәт булайыҡ

Сит ил ғалимдары, атап әйткәндә, АҠШ, Испания һәм Норвегия тикшеренеүселәре рәсәйҙәрҙе тиҙ...

Тотош уҡырға 102

Прививкаһыҙ мәктәпкә лә, баҡсаға ла индермәйәсәктәр

Прививкаһыҙ мәктәпкә лә, баҡсаға ла индермәйәсәктәр 29.03.2019 // Сәләмәт булайыҡ

Күптән түгел Италияла яңы закон ғәмәлгә инде. Ата-әсәләр балаларын киң таралған йоғошло сирҙәрҙән...

Тотош уҡырға 128

“Сихут” сире һайлап тормай...

“Сихут” сире һайлап тормай... 29.03.2019 // Сәләмәт булайыҡ

Бер нәмәнән дә ҡурҡмаған таяҡса хаҡында....

Тотош уҡырға 120

“Ир менән ҡатын проблемаһы”н  еңеп сығырға мөмкин
"Сибай ҙа, уның халҡы ла оҡшаны"

"Сибай ҙа, уның халҡы ла оҡшаны" 22.03.2019 // Сәләмәт булайыҡ

Тап шундай йылы һүҙҙәр, яҡты уйҙар менән ҡайтырға сыҡты Өфө табиптары. Бөгөн Сибайҙа сирлеләрҙе...

Тотош уҡырға 129

Заман менән бергә атлайҙар

Заман менән бергә атлайҙар 22.03.2019 // Сәләмәт булайыҡ

“Йөрәк һүҙе”, “Йөрәктән сыҡҡан йөрәккә етә”, “Бала – йөрәк ите”, “Миһырбанлыҡ – йөрәктән”... Кеше...

Тотош уҡырға 103

Яман шешкә ҡаршы "ҡоралланып"

Яман шешкә ҡаршы "ҡоралланып" 21.03.2019 // Сәләмәт булайыҡ

Бөгөнгө “Сәләмәтлек сәғәте”ндә онкологик сирлеләрҙе дарыу препараттары менән тәьмин итеү мәсьәләһе...

Тотош уҡырға 104

Сирҙәрҙе башланғыс стадияһында уҡ асыҡлаясаҡ

Сирҙәрҙе башланғыс стадияһында уҡ асыҡлаясаҡ 16.03.2019 // Сәләмәт булайыҡ

Учалы үҙәк дауаханаһында өлкәндәр өсөн УЗИ кабинетын йыһазландырыу эштәре бара....

Тотош уҡырға 103

Ҡәлғәгеҙ хәүефһеҙме?

Ҡәлғәгеҙ хәүефһеҙме? 15.03.2019 // Сәләмәт булайыҡ

Таҙалыҡ – сәләмәтлек нигеҙе, тигән ҡанатлы һүҙҙәр хәҙерге заманда ла көнүҙәклеген юғалтмай....

Тотош уҡырға 152

Үҙеңдән дә оло табип юҡ

Үҙеңдән дә оло табип юҡ 15.03.2019 // Сәләмәт булайыҡ

Һаулыҡтың һаҡлауға мохтаж икәнлеген хәтерҙә тотайыҡ....

Тотош уҡырға 257

Уйҙырмаларҙан ҡотолайыҡ

Уйҙырмаларҙан ҡотолайыҡ 15.03.2019 // Сәләмәт булайыҡ

Һаулыҡ һаҡлау өлкәһендә лә төрлө уйҙырмалар етерлек. Шуларҙың бер нисәһенә күҙ һалайыҡ....

Тотош уҡырға 159