Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Тыуған йорт байлығы
[thumb=left]http://bash.bashgazet.ru/uploads/posts/2017-09/1505383278_mazhitova.jpg[/thumb]— Бер көн ун биҙрә ҡыяр йыйып алып тоҙлап ҡуйҙым. Әле тағы ике биҙрә индерҙем. Уларына кишер ҡушып, салат яһарға уйлайым.
Шулай тип аптыратты беҙҙе Гөлшат Мәжитова. Бының нимәһенә ғәжәпләнергә һуң, тиеүселәргә аңлатып китеү кәрәктер. Беренсенән, хужабикә уларҙы теплицала түгел, ә ерҙә үҫтергән. (Быйыл күп баҡсасылар теплицала ла, ерҙә лә ҡыярҙарының һарғайып, япраҡтары кибеп бөтөүенә зарлана). Икенсенән, Гөлшат ханымдың йәшелсәләрен көн дә ҡарап торорға мөмкинлеге юҡ. Үҙе Мәләүез ҡалаһында йәшәй, ә баҡсаһы — Нөгөш ҡасабаһында. Күберәк ял көндәрендә генә килеп баҡсаһы менән шөғөлләнергә мөмкинлек таба. Дөрөҫ, быйыл йәйге ялын йәшелсә үҫкән мәлгә тап килтереп алды. Улы Нур ҙа, Себерҙән ҡайтып, ярҙамлашты, өлкәне Руслан да ауыр эштәрҙе башҡарҙы. Матур булды уңыштары. Алты түтәл һуған сәскәйнеләр. Ҙур үҫеп ҡыуандырҙылар.
Нөгөштәге йорт — Гөлшаттың ата-әсәһенең өйө, тыуып үҫкән төйәк. Ғәзиз кешеләре бер-бер артлы мәрхүм булғас, йортто һатып, аҡсаһын бөтә туғандарына уртаҡ бүлешеп алырға тәҡдим итеүселәр ҙә табылды, ләкин Гөлшат апайҙары, өлкән бала булараҡ, икенсе төрлө уйланы. Ҡала кешеләренә, балаларына, ейәндәренә йәй көндәрендә килеп ял итергә төп йортто һаҡлап алып ҡалырға тырышты. Етмәһә, хәҙер Нөгөш күп туристың яратҡан ял урынына әйләнде. Шундай саҡта кеше тыуған йортто һатамы! Ярай, һаттың да ти, бүлешә башлаһаң, ул аҡсаға нимә генә алаһың, ә бында, тыуған йортта, атай-әсәй менән бәйле күпме иҫтәлектәр һаҡлана. Килгән һайын улар менән осрашҡан кеүек булаһың. Рухтары ҡыуанып, яндарында ғына йөрөй кеүек. Тыуған йорт ишеге һәр туғанына ла асыҡ. Әйҙә, йәй буйы сиратлап та, күмәкләп тә килһендәр. Балалары, ейәндәре олатай-өләсәй йортон белеп үҫһен. Ерҙә үҫкән емештәрҙән ауыҙ итһен.
Нисә йыл ултырған тыуған йорт, кеше йәшәмәгәс, иҫкерә, туҙа башлай. Уны рәтләп алыр өсөн Гөлшатҡа күп сығым түгергә тура килә. Әлдә Руслан менән Нур улдары — ҙур ярҙамсылары. Ихаталарын профнастил менән уратып алдылар, өйҙәрен заманса материалдар менән көпләнеләр. Эстән бүлмәләргә бүлеп, обой йәбештереп сыҡтылар. Әле лә эше бөтәһе түгел. Шулай ҙа матур булып ҡалды.
Баҡса тулы сәскә, гөлдәр, емеш ҡыуаҡтары, йәшелсә түтәлдәре. Уңған хужабикә ниҙәр генә үҫтермәй. Эшкәртергә лә өлгөрә. Ваҡытында һәр йәшелсә-емештең файҙаһын күреп ҡалырға тырыша. Мәҫәлән, баҡса тулып үҫкән укропты ҡышҡылыҡҡа тоҙлай ҙа, киптерә лә, орлоғон да йыйып ала. Йәшел ҡыяҡтарын турап эремсеккә ҡушып ебәрә – файҙалы ла, тәмле лә. Һарымһаҡтың “уҡ”тарын ит турағыс аша үткәреп, сыр менән бутап, икмәккә һылап ашаһаң, бына тигән ҡабымлыҡ була. Юғиһә һарымһаҡтың үҙен генә бик ашап булмай, шуға күрә ҡышҡылыҡҡа ла әлеге “уҡ”тарҙы ит турағыс аша үткәреп, туңдырғысҡа һалып ҡуя. Кәрәк саҡта алып, файҙаланырға мөмкин. Тоҙлап ҡуйғанын ашарға бешергәндә һалып ебәрһәң, ризыҡтың тәме бермә-бер арта.
Гөлшат ханым керән менән помидорҙан да файҙалы тәмләткес яһай. Күптәр унда һарымһаҡ ҡушһа, ул был йәшелсәне ҡулланмай, әсетә, тәмен үҙгәртә, ти. Шуға Гөлшаттың тәмләткестәре яңы яһаған кеүек кенә була.
— Хәҙер Интернет бар бит. Беҙгә бик шәп ярҙамсы ул, — ти хужабикә. — Бөтә рецепт өлгөләрен унан табырға мөмкин. Әлеге ҡыяр менән кишер салатын да шунан уҡып таптым. Корея халҡы яһаған кеүек, кишер әсе, үткер булырға тейеш. Әлбиттә, был салат бөтәһенә лә бик килешеп бармай. Әммә әҙләп картуфҡа ҡушып ашағанда, ҡышҡы һыуыҡ көндәрҙә бик файҙалы, тип уйлайым.
Йәй буйы был йорттан кеше өҙөлмәй. Туғандары, таныштары, дуҫтары, клас­таштары Нөгөшкә ял итергә килә. Тыуған йорт барыһын да ихлас ҡабул итә. Уңған хужабикәнең һәр береһенә яҡты йөҙө лә, ризығы ла етә. Шау сәскәгә күмелеп ултырған йорт ҡунаҡсыл ҡаршылай һәм һый-хөрмәт күрһәтеп, күстәнәсе менән оҙатып ҡала.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Тәҙрә төбөм "гөл" генә!

Тәҙрә төбөм "гөл" генә! 31.03.2019 // Баҡса

Беҙҙең һауа шарттарында йылылыҡ яратҡан культураларҙың үрсетмәһен йыш ҡына тәҙрә төбөндә үҫтерәләр....

Тотош уҡырға 1 010

"Үҫенте" кәңәш бирә

"Үҫенте" кәңәш бирә 21.03.2019 // Баҡса

Баҡса үҫтерергә яратҡандар өсөн яңы миҙгел яҡынлаша. Улар орлоҡтар һайлай, үҫентеләр ултырта,...

Тотош уҡырға 463

Сәсеү өсөн орлоҡ һайлау серҙәре

Сәсеү өсөн орлоҡ һайлау серҙәре 15.03.2019 // Баҡса

Баҡсала мул уңыш үҫтереү иң тәү сиратта дөрөҫ һай­лан­ған орлоҡҡа бәйле. Юҡҡа ғына хал­ҡы­быҙ “Ни...

Тотош уҡырға 394

Көҙгө байлыҡ өҫтәлдәрҙә

Көҙгө байлыҡ өҫтәлдәрҙә 16.10.2018 // Баҡса

Ғәжәйеп ризыҡ Йәшел помидорҙы йыуып, мейестә йомшарғансы бешереп алырға ла ит турағыс аша...

Тотош уҡырға 441

Ағас ботағы айырылһа…

Ағас ботағы айырылһа… 16.10.2018 // Баҡса

Һеҙ быйыл мул уңыш йыйҙығыҙ. Ҡыҙғанысҡа ҡаршы, алмағасығыҙҙың кәрәкле бер ботағы айырылып төшкән....

Тотош уҡырға 429

Сылтыр-сылтыр “йылға” аға

Сылтыр-сылтыр “йылға” аға 16.10.2018 // Баҡса

Баҡса ул йәшелсә, емеш үҫтереү урыны ғына түгел, унда ял итеү өсөн дә уңайлы шарттар булдырылырға...

Тотош уҡырға 427

Көҙгө тәрбиәнең әһәмиәте ҙур

Көҙгө тәрбиәнең әһәмиәте ҙур 16.10.2018 // Баҡса

Уңыштар йыйып алынып, һалҡын көндәр ныҡлап башланғансы баҡсасылар өсөн айырым осор һанала. Яңы...

Тотош уҡырға 485

Белеп ултыртһаң — отолмаҫһың

Белеп ултыртһаң — отолмаҫһың 16.10.2018 // Баҡса

Тәбиғәт шарттарына ҡарап, элегерәк көньяҡ халыҡтары Башҡортостанды “йәшел помидорҙар иле” тип...

Тотош уҡырға 444

Үҙ баҡсаңдыҡын һайла!

Үҙ баҡсаңдыҡын һайла! 26.09.2018 // Баҡса

Түбәнге Яйыҡбай – Һаҡмар йылғаһына һыйынып ҡына ултырған, әллә ни ҙур булмаған ауылдарҙан. Мәгәр...

Тотош уҡырға 525

Лимондар ҡайҙа үҫә?

Лимондар ҡайҙа үҫә? 25.09.2018 // Баҡса

Республикабыҙҙың ғорурлығы ул Өфөләге лимонарий. Уңған ғалим-биолог Фәриҙә Садиҡова тырышлығы менән...

Тотош уҡырға 406

Ҙур ҙа түгел, уңайлы ла

Ҙур ҙа түгел, уңайлы ла 18.09.2018 // Баҡса

Күптәр “Йорт-ҡура” битендә өй, мал һарайы төҙөү, башҡа эштәр тураһында баҫыуҙы һорап яҙа. Әлбиттә,...

Тотош уҡырға 412

Уңышты нисек һаҡларға?

Уңышты нисек һаҡларға? 18.09.2018 // Баҡса

Сөгөлдөр һәйбәт һаҡланһын өсөн һабағын ҡул менән бороп өҙмәгеҙ, ә төбөн 1-1,5 сантиметр оҙонлоғонда...

Тотош уҡырға 472