Ярышта бөгөн өҫтөнлөк алһаҡ, ярымфиналда еңеүгә бер генә аҙым ҡаласаҡ. Ошо маҡсат торҙо әлеге уйында беҙҙең команда алдында.

“Автомобилист”, әлбиттә, юл бирмәҫкә тырышты. Шулай ҙа “Салауат Юлаев”ты бөгөн туҡтатырлыҡ түгел ине: һис ниндәй ҡаршылыҡҡа бирешмәй, тик алға уҡталды ул. Өсөнсө осорға 4:1 иҫәбе менән ингәс, “Автомобилист” беҙҙең ҡапҡаға тағы бер шайба индереүгә өлгәште, әлбиттә. Шулай ҙа “Салауат”ҡа етә алманы.

Еңеү – йәнә беҙҙә! Хәҙер серияла иҫәп – 3:1. Был уйын, һис шикһеҙ, республиканың бар халҡы, айырыуса бөгөн 55 йәшен билдәләгән етәксебеҙ Радий Хәбиров өсөн ҙур бүләк булды. Рәхмәт, “Салауат Юлаев”!