Ольга Изилаева Краснокама районында ғына түгел, хәҙер бөтә Рәсәйҙә билдәле тренер. “Ауыл ерендә физкультура-спорт эшен иң яҡшы ойоштороусы” категорияһында еңеү яулап, Николо-Березовка ауылын данға күмде.

Башҡортостан тренеры награданы художестволы гимнастика буйынса Рәсәй командаһы кәңәшсеһе, танылған тренер Ирина Винер ҡулынан алды. 2018 йыл өсөн Милли спорт премияһы лауреаттарын бүләкләү тантанаһы Мәскәүҙә үтте. Ольга Изилаева сәләмәтлек мөмкинлектәре сикләнгән балалар менән шөғөлләнә, шулай уҡ өлкәндәр менән дауалау физкультураһы буйынса күнекмәләр үткәрә.