Үрге Йәркәйҙең физкультура-һауыҡтырыу комплексында армрестлинг буйынса республика чемпионаты үтте.

Спорттың был төрө йылдан-йыл популярлыҡ яулай бара. Илеш ерендә уҙған ҙур бәйгелә 300-гә яҡын кеше ҡатнашты. Үҙҙәренең йәш төркөмдәрендә Ильяна Муллағәзиева, Динар Сафин, Илвир Нафиҡов, Әмир Шакирйәнов, Айназ Усманов беренселекте яуланы. Бөтә еңеүселәр ҙә миҙалдар, кубоктар һәм грамоталар менән бүләкләнде. Улар оҙаҡламай республика намыҫын Пермь ҡалаһында үтәсәк ярыштарҙа яҡлаясаҡ.