Туймазы ҡалаһында һаулығы буйынса мөмкинлектәре сикләнгән балалар өсөн спорт фестивале үтте.

Уның маҡсаты – яҙмыш тарафынан ҡыйырһытылған балаларға үҙ-ара аралашыу мөмкинлеге биреү, спортҡа ылыҡтырыу, төрлө секцияларға йәлеп итеү.

Сара икенсе тапҡыр уҙғарыла, унда үҫмерҙәр төрлө спорт секциялары эшмәкәрлеге менән таныша ала. Быйыл, мәҫәлән, биш спорт төрө буйынса бәйге үткән.