Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Кем хоккейҙы яҡшы уйнай?
Туймазы ҡалаһының “Девон” хоккей командаһы үткән миҙгелдә бик уңышлы сығыш яһай. 2006 йылғы уйынсыларҙың Ҡытай Халыҡ Республикаһында дуҫтарса осрашыуҙа ҡатнашыуҙары иһә “Туймазы-Арена” универсаль спорт боҙ комплексы етәкселеге өсөн дә, балалар өсөн дә көтөлмәгән ваҡиғаға әйләнде. Беҙ ҙә уларҙың Ҡытайға барып ҡайтыуҙан алған тәьҫораттары, спорт комплексының эшмәкәрлеге менән яҡындан танышыу маҡсатында “Туймазы-Арена”ға юлландыҡ. Әйткәндәй, ул “Башҡортостан Республикаһының 100 йыллығына — 100 объект” проекты исемлегенә индерелгән.

“Туймазы-Арена” комплексы “Башнефть” компанияһы ярҙамында 2013 йылда асыла. Дүрт меңдән ашыу майҙанды биләгән бина 808 тама­шасыға тәғәйенләнгән. Комплекста фигуралы шыуыу менән шөғөл­ләнергә мөмкин, тренажер залдары эшләй. Ғөмүмән, спорт ҡоролмаһы заманса йыһазландырылған, бар уңайлыҡтар булдырылған.

Быйыл “Туймазы-Арена”ның икенсе өлөшө файҙаланыуға тапшы­рылған. Уның майҙаны – 4 423 квадрат метр. 115 тамашасы һыйҙы­рышлы трибунаһы, еңел атлетика залы, душ кабиналары урынлаш­тырылған, кейем алмаштырыу бүлмәләре бар. Универсаль спорт залында мини футбол, волейбол, билбау һәм милли көрәш, еңел атлетика менән шөғөлләнәләр. Тағы ла баскетбол һәм регбол буйынса спорт секциялары асырға йыйыналар. Хәҙер бында спорт фести­валдәре, спартакиадалар һәм ярыштар ҙа йыш ойоштороласаҡ.

“Туймазы-Арена”ның икенсе өлөшөн тапшырғас, спорт менән шөғөлләнгәндәр һаны 372-нән 822-гә тиклем артҡан. Фигуралы шыуыу буйынса Максим Завозин, Александр Успенский кеүек билдәле тренерҙар йыл һайын йәш спортсылар өсөн халыҡ-ара күнекмәләр уҙғара.

– Биш йыл эсендә көслө хоккей командаһы туплауға өлгәштек. “Девон” 2017-2018 йылғы миҙгелдә Волга буйы федераль округы беренсе­легенең ике этабында еңеү яуланы, “Шкода кубогы” халыҡ-ара турнирында уңышлы сығыш яһаны. Коман­даның 2006 йылғы хоккейсылары “А” төркөмөнә сыҡты. Бөгөнгө көндә Башҡортостандың ике командаһы – “Салауат Юлаев” менән “Девон” ғына Урал-Себер лигаһында уйнай.

Уңыштарыбыҙҙы күрҙеләр. Хоккей федерацияһы президенты Владислав Третьяк “Девон” командаһының 2006 йылғы уйынсыларын Рәсәй исеменән Ҡытайҙағы дуҫтар осрашыуына саҡырҙы. Туймазы ҡалаһын Башҡортостандың көнбайыш төбәге спорт кластеры тип атарға була. Әле Хөкүмәт ярҙамы менән ҡала стадионына ремонт эшләү планлаштырыла. Унда заманса футбол яланы, махсус ҡатламлы йүгереү юлы ла буласаҡ, – ти “Туймазы - Арена” комплексы директоры Тимур Ғәлләмов.

Балаларҙа хоккейға һөйөү тәр­биәләгән “Девон” командаһының баш тренеры Ринат Әхмәҙиев был спорт төрө менән биш йәшенән шөғөлләнә башлаған, 12 йәшендә уны “Салауат Юлаев” спорт клубына саҡыралар. Уға билдәле тренер Владимир Иванович Воробьев етәкселегендә шөғөлләнеү һәм тәрбиәләнеү бәхете лә эләгә. 15 йәшендә “ЦСКА”-ның үҫмерҙәр командаһына алалар. Шулай итеп, ул СССР-ҙың үҫмерҙәр йыйылма командаһында сығыш яһай. Яратҡан тренерлыҡ эшенә 2013 йылда тотонған.

– Ҡытайға саҡырғастар, тәүҙә ғәжәпләндек, һуңынан тиҙ генә документтар әҙерләй башланыҡ. Унда беҙҙе юғары кимәлдә ҡаршы алдылар. Балалар өсөн төрлө экскурсиялар ойошторҙолар. Иң иҫтә ҡалғаны ике бөйөк дәүләттең лидерҙары менән осрашыу булды. Балалар Рәсәй Президенты Владимир Путин һәм Ҡытай Халыҡ Республикаһы Рәйесе Си Цзиньпин менән спорт, хоккей тураһында һөйләште. Осрашыу мәлендә Ҡытай балала­рының Рәсәй үҫмерҙәренән хоккей уйнарға өйрәнеүе хаҡында ла телгә алынды. Ҡытайҙа әле хоккей кимәле үҫә. Беҙҙең балалар үҙҙәренән ике йәшкә өлкәндәр менән уйнаһа ла, ыңғай һөҙөмтә күрһәтте. Ике команда ла дүртәр шайба индерҙе, – ти Ринат Әхмәҙиев.
Әлеге мәлдә Туймазының 2-се балалар-үҫмерҙәр спорт мәктәбендә 300-ҙән ашыу бала хоккей менән шөғөлләнә.

Һуңғы йылдарҙа республикала ла, илдә лә спорт йылдам үҫешә. Футбол буйынса донъя чемпионатының да юғары кимәлдә үтеүе ошо хаҡта һөйләй. “Туймазы - Арена” комплек­сы­ның эшмәкәрлеген миҫал итеп алғанда ла, бындай объекттарҙың ни тиклем файҙалы һәм кәрәкле булыуын аңлайһың. Универсаль спорт боҙ комплексы тапшырылғандан алып бөгөнгәсә унан халыҡ, балалар өҙөлмәй, спорт менән шөғөл­лән­гәндәр һаны ла артҡандан-арта, шулай уҡ Бөтә Рәсәй, халыҡ-ара ярыштар үтә.

– Район һәм ҡала етәкселегенә рәхмәт. Республиканың бөтә район-ҡалаларында ла ошондай спорт объекттары, ябыҡ боҙ майҙандары булһын, тип теләйбеҙ, шул саҡта ғына һау-сәләмәт милләт вәкилдәре үҫәсәк. Беҙҙең Башҡортостанда һәләтле балалар бик күп, – ти Ринат Әхмәҙиев.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Юҡ инде, һеҙ беҙгә...

Юҡ инде, һеҙ беҙгә... 31.03.2019 // Спорт һәм туризм

“Салауат Юлаев” менән “Авангард” хоккей командалары араһында икенсе матч башланды. Тәүгеһе элекке...

Тотош уҡырға 709

Йөҙ көн ҡалды

Йөҙ көн ҡалды 31.03.2019 // Спорт һәм туризм

Быйыл 9 – 14 июлдә Өфөлә Халыҡ-ара балалар уйындары була....

Тотош уҡырға 455

Бөркөттәрҙе йыйҙы "Бөркөт"

Бөркөттәрҙе йыйҙы "Бөркөт" 30.03.2019 // Спорт һәм туризм

Сибай ҡалаһының “Бөркөт” физкультура-һауыҡтырыу комплексында Башҡортостан Мәғариф министрлығының...

Тотош уҡырға 407

Мәғариф хеҙмәткәрҙәре майҙан тотто

Мәғариф хеҙмәткәрҙәре майҙан тотто 30.03.2019 // Спорт һәм туризм

Хәйбулла районы үҙәге Аҡъярҙа Урал аръяғы район-ҡалаларының мәғариф учреждениелары хеҙмәткәрҙәре...

Тотош уҡырға 414

Белореттар әле лә саңғыла

Белореттар әле лә саңғыла 30.03.2019 // Спорт һәм туризм

Бөгөн Белорет районының “Ҡурташ” спорт-һауыҡтырыу комплексында саңғы буйынса Белорет районының асыҡ...

Тотош уҡырға 251

“Ҡарсығалар” беҙҙән ҡурҡамы?

“Ҡарсығалар” беҙҙән ҡурҡамы? 29.03.2019 // Спорт һәм туризм

Бөгөн Өфө ваҡыты менән киске сәғәт 10-сы яртыла “Салауат Юлаев” хоккей командаһы “Авангард” менән...

Тотош уҡырға 74

Себерҙә ауылды танытып ҡайттылар

Себерҙә ауылды танытып ҡайттылар 27.03.2019 // Спорт һәм туризм

Бөрйәндәр, ғафуриҙар, өфөләр, әлшәйҙәр, балаҡатайҙар, балтастар......

Тотош уҡырға 150

Башҡортостан данын Бөрйәндәр яҡланы

Башҡортостан данын Бөрйәндәр яҡланы 27.03.2019 // Спорт һәм туризм

18 - 24 мартта Төмән ҡалаһында IX Бөтә Рәсәй ҡышҡы ауыл спорт уйындары үтте....

Тотош уҡырға 311

Ҡар бураны уйнатты... Монах

Ҡар бураны уйнатты... Монах 27.03.2019 // Спорт һәм туризм

Өфөләге “Аҡбуҙат” ипподромында республика райондары араһында “Терра Башҡортостан” ат-спорт...

Тотош уҡырға 101

Йәш мәргәндәр сыҡты майҙанға

Йәш мәргәндәр сыҡты майҙанға 26.03.2019 // Спорт һәм туризм

Башҡортостандың 100 йыллығы уңайынан Учалыла ошо көндәрҙә балалар һәм үҫмерҙәр араһында Зәйнулла...

Тотош уҡырға 108

“Билмән”гә берәүҙең дә көсө етмәне

“Билмән”гә берәүҙең дә көсө етмәне 26.03.2019 // Спорт һәм туризм

Красноярск ҡалаһында бик ҡыҙыҡ ярыш уҙҙы. Унда сикәгә сабыу буйынса беренсе донъя чемпионаты...

Тотош уҡырға 112

Баймаҡ арғымаҡтары һынатмай

Баймаҡ арғымаҡтары һынатмай 25.03.2019 // Спорт һәм туризм

Баймаҡ районы — республикала йылҡысылыҡ тармағын үҫтереү буйынса тәүге урында тора. Район йылҡы...

Тотош уҡырға 111