Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Тупаҫ уйын мәртәбә өҫтәмәй
Бер көн улым: “Әсәй, бөгөн “Салауат Юлаев” кем менән уйнай?” – тип һораны. “Бәхәсләшәйекме, барыбер иҫеңә төшөрә алмаясаҡһың”, – тим. Китте был командаларҙы һанап! Ун биш-егермене атаны. Хатта лигаға быйыл ғына ҡушылған “Медвешчак”тың да исеме яңғыраны. Аптырап, минең “юҡ”тан ялҡып, ул “биреләм” тине.

– “Автомобилист” менән! – Еңеүсе ҡиәфәтендә ҡарайым. Ысынлап та, гел урталыҡта йөрөүсе был команда иҫәпкә бар, һанға юҡ һымаҡ. Ни хәл итәһең, уңыш, дан ҡаҙанғандар рәтендә булмағас, хәтерҙән дә тиҙ сығып оса шул...
Әммә беҙҙекеләр менән уйнағанда үҙен иҫкә төшөрттө! 1:3 иҫәбенә отолоп барһалар ҙа, “дилбегәне” йәһәт ҡулдарына алдылар. Икенсе осорҙа өс шайба индереп, алға уҡ сығып китмәһендәрме. Өсөнсөһөндә юлаевсыларҙың бер голына тағы өсәү менән яуап бирҙеләр. Бына һиңә мә! Һөҙөмтә – 4:7. Еңелдек.
Себер тарафтарында ла уйын еңел булмай, ғәҙәттә. Ярай әле, “Югра”ның ҡаршылығын һындыра алдыҡ. Иҫәп 3:3 саҡта, беҙҙең теге мәлдәге теләкте ишеткәндәй, Алексей Кайгородов тәүге голын индерҙе. Афарин, хужаларҙы оттоҡ (5:4)!
Ә бына артта ғына һөйрәлгән “Авангард”ҡа бирешеп ҡуйҙыҡ. Арыныҡ, ахыры. Беҙҙең бер шайбаға Омск хоккейсылары һөҙөмтәле яуап биргәс, эш овертайм, буллиттарға барып етте. Тренерҙар ни өсөндөр матч буйы торған ҡапҡасы Волковты Василевскийға алмаштырҙы. Андрей иһә ҡотҡарманы. 1:2 иҫәбенә еңелеү күңелде ныҡ ҡырҙы.
Бөгөн “Барыҫ” менән уйнаһаҡ, чемпионатта тәнәфес була. Нимә күҙгә салына һуң? Ҡапҡасыларҙан Алексей Волков оҫтараҡ күренә. Андрей Василевскийға тәжрибә етеңкерәмәй, күрәһең. Һөжүм осоронда ваҡытынан алда боҙға тубыҡлана. Шайба гел яурын өҫтөнән осоп үтә.
Һөжүм итеүселәрҙән оҫталыҡ яғынан Дмитрий Макаров, Антти Пильстрем, Теему Хартикайненды телгә алырға була. Денис Хлыстов, Никита Филатов, Александр Панков – “йөк аттары”. Ә “таран” тибындағы форвардтар бөтөнләй юҡ. Ниңәлер әлеге лә баяғы ҡаҡса, еңел кәүҙәле Пильстремдан башҡа ҡапҡа алдындағы майҙансыҡта этешеп-төртөшөп йөрөүсе табылмай. Антти шулай ныҡышып гол артынан гол индерә. Ә Кирилл Кольцов һаҡсы булып яңылышҡандыр ул. Ҡайһы бер һөжүм итеүселәр ҙә уның кеүек матур финт яһай алмай!
Иң кәйефте төшөргәне – юлаевсыларҙың тупаҫ уйнауы. Бәлки, насар уйлап улай ҡыланмайҙарҙыр ҙа, ләкин осрашыу һайын ҙур штраф, матч-штрафтар бәкәлгә һуға. Ә бит беҙҙең “Салауат Юлаев” гел матур, намыҫлы уйын күрһәткән команда булып дан ҡаҙанды. Шул исемгә тап төшөрмәйек, егеттәр!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Юҡ инде, һеҙ беҙгә...

Юҡ инде, һеҙ беҙгә... 31.03.2019 // Спорт һәм туризм

“Салауат Юлаев” менән “Авангард” хоккей командалары араһында икенсе матч башланды. Тәүгеһе элекке...

Тотош уҡырға 2 689

Йөҙ көн ҡалды

Йөҙ көн ҡалды 31.03.2019 // Спорт һәм туризм

Быйыл 9 – 14 июлдә Өфөлә Халыҡ-ара балалар уйындары була....

Тотош уҡырға 2 313

Бөркөттәрҙе йыйҙы "Бөркөт"

Бөркөттәрҙе йыйҙы "Бөркөт" 30.03.2019 // Спорт һәм туризм

Сибай ҡалаһының “Бөркөт” физкультура-һауыҡтырыу комплексында Башҡортостан Мәғариф министрлығының...

Тотош уҡырға 2 255

Мәғариф хеҙмәткәрҙәре майҙан тотто

Мәғариф хеҙмәткәрҙәре майҙан тотто 30.03.2019 // Спорт һәм туризм

Хәйбулла районы үҙәге Аҡъярҙа Урал аръяғы район-ҡалаларының мәғариф учреждениелары хеҙмәткәрҙәре...

Тотош уҡырға 2 216

Белореттар әле лә саңғыла

Белореттар әле лә саңғыла 30.03.2019 // Спорт һәм туризм

Бөгөн Белорет районының “Ҡурташ” спорт-һауыҡтырыу комплексында саңғы буйынса Белорет районының асыҡ...

Тотош уҡырға 1 400

“Ҡарсығалар” беҙҙән ҡурҡамы?

“Ҡарсығалар” беҙҙән ҡурҡамы? 29.03.2019 // Спорт һәм туризм

Бөгөн Өфө ваҡыты менән киске сәғәт 10-сы яртыла “Салауат Юлаев” хоккей командаһы “Авангард” менән...

Тотош уҡырға 1 265

Себерҙә ауылды танытып ҡайттылар

Себерҙә ауылды танытып ҡайттылар 27.03.2019 // Спорт һәм туризм

Бөрйәндәр, ғафуриҙар, өфөләр, әлшәйҙәр, балаҡатайҙар, балтастар......

Тотош уҡырға 1 240

Башҡортостан данын Бөрйәндәр яҡланы

Башҡортостан данын Бөрйәндәр яҡланы 27.03.2019 // Спорт һәм туризм

18 - 24 мартта Төмән ҡалаһында IX Бөтә Рәсәй ҡышҡы ауыл спорт уйындары үтте....

Тотош уҡырға 1 401

Ҡар бураны уйнатты... Монах

Ҡар бураны уйнатты... Монах 27.03.2019 // Спорт һәм туризм

Өфөләге “Аҡбуҙат” ипподромында республика райондары араһында “Терра Башҡортостан” ат-спорт...

Тотош уҡырға 1 199

Йәш мәргәндәр сыҡты майҙанға

Йәш мәргәндәр сыҡты майҙанға 26.03.2019 // Спорт һәм туризм

Башҡортостандың 100 йыллығы уңайынан Учалыла ошо көндәрҙә балалар һәм үҫмерҙәр араһында Зәйнулла...

Тотош уҡырға 1 071

“Билмән”гә берәүҙең дә көсө етмәне

“Билмән”гә берәүҙең дә көсө етмәне 26.03.2019 // Спорт һәм туризм

Красноярск ҡалаһында бик ҡыҙыҡ ярыш уҙҙы. Унда сикәгә сабыу буйынса беренсе донъя чемпионаты...

Тотош уҡырға 1 175

Баймаҡ арғымаҡтары һынатмай

Баймаҡ арғымаҡтары һынатмай 25.03.2019 // Спорт һәм туризм

Баймаҡ районы — республикала йылҡысылыҡ тармағын үҫтереү буйынса тәүге урында тора. Район йылҡы...

Тотош уҡырға 1 049