Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Тештәреңде дауаларға 32 сәбәп бар
Тештәреңде дауаларға 32 сәбәп барТабиптар мөғжизә тыуҙырыусы ҡулы менән дә, һауыҡтырыу тылсымына эйә һүҙе менән дә кешеләргә ярҙам итергә Хоҙай тарафынан ебәрелгән, тиҙәр. Стоматолог Әминә Ҡаразбаева – ана шундайҙарҙың береһе.

«Өфө ҡалаһында тыуғанмын. Ғаиләлә өс бала үҫтек, бөтәбеҙ ҙә тормошта үҙ урыныбыҙҙы таптыҡ. Атайым Харис Ҡолдәүләтов ҡаланың 40-сы заводында эшләне. Ул мәрхүм булғас, өс баланы тәрбиәләү күп йылдар буйы Рәми Ғарипов исемендәге 1-се башҡорт республика гимназия-интернатында биология фәненән уҡытҡан әсәйем Алмаҡай Сәлмән ҡыҙының иңенә төштө. Аҡыллы, зирәк, алсаҡ, ихлас ул, шуға ла йортобоҙҙан кеше өҙөлмәне», — тип хәтерләй бала сағын изге һөнәр эйәһе.
Әминә Харис ҡыҙының яғымлы тауыш менән ипле һөйләүен тыңлап туймаҫлыҡ. Эстән генә: «Нисек стоматолог булып китте икән?» — тип уйланым. Әңгәмәсем, уйымды һиҙгәндәй, хәтер йомғағын һүтте:
— Әсәйем уҡытҡан гимназияны тамамланым да Башҡорт дәүләт медицина институтына стоматолог һөнәренә уҡырға индем. Башта педиатр булырға ине уйым, әммә балалар табибы һөнәренә эйә ике туған апайым Римма биргән кәңәш икенсе юлды һайларға мәжбүр итте. «Балаларҙы яратһаң, уларҙың тешен дауалаусы бул», – тип кәңәш иткәйне ул. Мин шул ваҡытта апайымдың һүҙенә ҡолаҡ һалдым һәм үкенмәйем, көн дә ҙур теләк менән эшкә йөрөйөм. Медицина университетының стоматология бүлеген тамамлағас, интернатураны Силәбе ҡалаһында үттем, аҙаҡ Өфөгә ҡайттым. Яңы Александровка ҡасабаһында урынлашҡан Республика психиатрия дауаханаһында ун йыл самаһы эшләнем.
— Ә ниңә Өфөгә? Дипломлы йәш белгес башҡа төбәктәрҙә лә кәрәк булғандыр бит? — тип һорайым.
— Өфө – яңылыҡ үҙәге. Кешеләрҙе дауалау, уларға ышаныслы киләсәк бүләк итеү теләге менән баш ҡалаға кире ҡайттым да инде...
1999 йылда ете врачтан торған төркөм «32 ынйы» клиникаһын булдыра. Араларында — Әминә Ҡаразбаева. Коллегалары менән татыу ғаилә һымаҡ килешеп эшләп китәләр. Һәр байрамды бергә үткәрәләр, бер-береһенә ҙур терәк булалар. Хәҙер инде 15 йыл бергә эшләйҙәр. Стоматологтарҙың күбеһе — юғары категориялы. Вероника Баканина, Әлфиә Кретова, Гүзәл Балтабаева, Рәлис Ғарифйәнов, Әлфиә Шклярук, Флүрә Ибәтуллина – һәр береһе үҙ эшенең оҫтаһы. Шәфҡәт туташтары Алина Мусина, Әлфиә Ғиматдинова — уларға алмаштырғыһыҙ ярҙамсы.
Бөгөн «32 ынйы» клиникаһынан кеше өҙөлмәй, сөнки бындағы стоматологтар төрлө хәлдәге теште дауалауға ҡыйыу тотона. Заманса ҡорамалдар менән эш итәләр. Дауалауҙан тыш, протез ҡуялар, бүтән төр хеҙмәттәр ҙә уларға ят түгел.
Талапсан, һәр нәмәне айыҡ аҡыл менән баһалаусы Әминә Харис ҡыҙы үҙен яҡшы белгес итеп танытҡан. Иң мөһиме — бер ваҡытта ла һөнәре буйынса камиллашыуҙан туҡтамай. «Заман менән бергә медицина ла алға бара. Төрлө йүнәлештәр, яңы ҡорамалдар барлыҡҡа килә. Йылына ике-өс мәртәбә Санкт-Петербург, Мәскәү ҡалаларына барып уҡып ҡайтабыҙ. Унда төрлө төбәктәрҙән йыйылған стоматологтар менән осрашып, тәжрибә уртаҡлашабыҙ. Өйрәнеү маҡсатында беҙгә килгәндәре лә бар. Яңылыҡтарҙы белмәй тороп, һөнәреңдең асылына төшөнөүе ҡыйын», – ти Әминә Ҡаразбаева.
Һөнәре хаҡында сәғәттәр буйы кинәнеп һөйләргә әҙер әңгәмәсемде тыңлайым да уның тормоштағы тәғәйенләнешен аңлағандай булам:
— Көнөнә тиҫтәләгән кеше менән осрашырға, аралашырға, уларҙың ауырыуҙарын өйрәнергә тура килә. Һуңғы йылдарҙа теш ҡаҙнаһы шешеп, ярҙам һорап килеүселәр күбәйҙе, бигерәк тә Яңы йыл байрамынан һуң халыҡ әүҙемләшә. Һәр теш – ул тәндең кәрәкле бер өлөшө. Беҙ уны һаҡларға тырышабыҙ. Ауыртҡан тешен һурҙырырға килгәндәргә лә башта дауалап ҡарарға кәңәш итәбеҙ. Балаларҙың һәм ололарҙың ҡыйыш үҫкән тештәрен тигеҙләйбеҙ. Эшебеҙҙән барыһы ла ҡәнәғәт.
Ғөмүмән, Әминә Ҡаразбаева әйтеүенсә, ауырыуҙарҙың 98 проценты теште һаҡламауҙан килә. Кеше һау-сәләмәт тормош алып бара икән, уның ауыҙындағы «ынйы»лар тәртиптә буласаҡ. Шуға Әминә Харис ҡыҙы күберәк һыу эсергә, теште көнөнә ике тапҡыр таҙартырға, физкультура менән шөғөлләнергә, стоматологтарҙан ҡурҡмаҫҡа кәңәш итә.
Әйткәндәй, табибәнең тормош иптәше Рөстәм Ҡаразбаев та — юғары категориялы стоматолог-ортопед. Бөгөн ул Өфө ҡалаһының 2-се стоматология поликлиникаһында мөдир вазифаһын уңышлы алып бара. «Алтын ҡуллы белгес», – ти уның тураһында ҡатыны. Ҡыҙҙары Айгөл Башҡорт дәүләт медицина университетының педиатрия факультетында II курста белем ала, ә Йәмилә әле мәктәптә уҡый.
«32 ынйы» клиникаһы табиптары баш ҡаланың балалар йорттарына йыш ярҙам итә. Үҙҙәре аҡса йыйып, тәрбиәләнеүселәргә байрам ойошторалар, тештәрен бушлай дауалайҙар. Өфөнөң төрлө мәктәптәренә барып, тештәрҙе һаҡлау саралары тураһында лекция ла уҡыйҙар.
Кешеләргә яҡтылыҡ, матурлыҡ өләшеү өсөн яратылған зат ул Әминә Харис ҡыҙы. Һәр эшен күңел йылыһын биреп башҡара. Ауырыуҙарҙың ышанысын аҡлауы, һөнәренә мөкиббән бирелеүе менән бәхетле ул.
Форсаттан файҙаланып, табибә «32 ынйы» коллективы исеменән барлыҡ стоматологтарҙы һөнәри байрамы менән ҡотлай.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Социаль мәсьәлә

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 2 259

Көслө рухлыларҙы йыйҙы "Баһадир"

Көслө рухлыларҙы йыйҙы "Баһадир" 29.03.2019 // Социаль мәсьәлә

Баймаҡтың “Баһадир” физкультура-һауыҡтырыу комплексында һаулыҡ мөмкинлектәре сикләнгән балалар һәм...

Тотош уҡырға 1 167

“Ахай” өлкәндәрҙе көтә

“Ахай” өлкәндәрҙе көтә 29.03.2019 // Социаль мәсьәлә

Ярҙамға мохтаж ололар, инвалидтар унда яҡлау таба....

Тотош уҡырға 1 617

Иң яҡшы бүләк – аралашыу

Иң яҡшы бүләк – аралашыу 27.03.2019 // Социаль мәсьәлә

Ишембай районының Петровский ауылындағы балалар йорто тәрбиәләнеүселәре Өфө дәүләт нефть техник...

Тотош уҡырға 1 279

"Бөгөндән ҡабул итергә әҙербеҙ"

"Бөгөндән ҡабул итергә әҙербеҙ" 27.03.2019 // Социаль мәсьәлә

Ошо көндәрҙә Башҡортостан дәүләт медицина университетынан буласаҡ табиптар эш биреүселәр менән...

Тотош уҡырға 1 288

Үҙебеҙҙә дауаланһындар тиһәк…

Үҙебеҙҙә дауаланһындар тиһәк… 27.03.2019 // Социаль мәсьәлә

Республика йортонда Башҡортостан Башлығы вазифаһын ваҡытлыса башҡарыусы Радий Хәбиров “Сәләмәтлек...

Тотош уҡырға 1 078

"Генус" менән килешеү өҙөлә

"Генус" менән килешеү өҙөлә 26.03.2019 // Социаль мәсьәлә

Башҡортостан Хөкүмәте “Генус” шәхси компанияһы менән Салауат бала табыу йортона бәйле концессион...

Тотош уҡырға 1 109

Ысын дуҫлыҡҡа нигеҙ

Ысын дуҫлыҡҡа нигеҙ 25.03.2019 // Социаль мәсьәлә

Бөрйәндә һаулыҡ мөмкинлектәре сикләнгән һәм ата-әсә ҡарауынан мәхрүм ҡалған балалар өсөн “Бәләкәй...

Тотош уҡырға 1 211

Каринэ Хәбирова аш-һыу серҙәрен дә асты

Каринэ Хәбирова аш-һыу серҙәрен дә асты 24.03.2019 // Социаль мәсьәлә

Башҡортостан Башлығы вазифаһын башҡарыусы Радий Хәбировтың ҡатыны Каринэ Александровна...

Тотош уҡырға 1 193

“Иң ҡырҡыу мәсьәлә – табиптар етешмәүе”

“Иң ҡырҡыу мәсьәлә – табиптар етешмәүе” 22.03.2019 // Социаль мәсьәлә

“Рәсәй 24” телеканалына биргән интервьюһында Башҡортостан Башлығы вазифаһын ваҡытлыса башҡарыусы...

Тотош уҡырға 1 254

Аҙнаһына дүрт көн эшләрҙәрме?

Аҙнаһына дүрт көн эшләрҙәрме? 21.03.2019 // Социаль мәсьәлә

Республикала өс һәм унан күберәк бала тәрбиәләгән әсәләрҙең аҙнаһына дүрт көн эшләй, хеҙмәтен...

Тотош уҡырға 1 108

Ҡала табиптарының үҙҙәренә лә ярҙам кәрәк

Ҡала табиптарының үҙҙәренә лә ярҙам кәрәк 21.03.2019 // Социаль мәсьәлә

“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған...

Тотош уҡырға 1 168